【校園】現實與平行時空的愛情故事: 第二十六章 - 第二次的戀愛-7 ( 再見亦是朋友? )
- 第二十六章 - 第二次的戀愛-7
「再見亦是朋友」通常都係應用係分左手既男女對對方講既說話黎。
雖然個個都會咁講。
但有幾多個真係可以做到先?
我自問我未必做到。
因為要做到對對方無留戀先可能做到。
但我自問點都對佢地有所留戀。
就算可以做返朋友。
但點都會有啲感情留低。
而呢啲感情留低就有可能會重燃愛火。
…………………分隔線…………………
自從果次旅行日之後。
我同沛珩無再溝通。
但唔知到幾時, 我地又開始傾返計。
雖然我地無之前傾得咁密。
但都總算係做返朋友。
因為我地係數學堂依然會一齊坐。
可能因為咁而傾返計。
而我亦都無過問果次旅行日既事。
佢都無再提起過。
我地又變返朋友。
好快知道沛珩又拍拖。
而對象係我其中一個朋友。
佢叫阿源。
阿源係一個高高瘦瘦帶眼鏡既一個文弱書生。
雖然佢外表係文弱書生。
但佢成績唔太好。
不過佢間唔中都會講下笑, 算係風趣既。
真係唔知佢地點識又點拍拖呢?
見住兩個識既人拍拖都唔知係咩感覺。
恭喜又唔會做。
不過又唔想見佢地散既。
而我亦都無因此而疏遠沛珩。
依然都係朋友既關係。
到第二次音樂考試就黎。
沛珩都係搵左我做佢拍擋唱歌。
今次我地揀左另一首歌黎唱。
「一刀了斷」張智霖同胡杏兒唱。
當然我唔記得果陣係邊個揀呢首歌。
可能咁岩果陣時呢首歌都岩岩出無幾耐。
我亦都無去考究當時揀呢首歌有無其他意思。
只係覺得呢首係一首男女合唱歌。
不過呢首歌都係一首幾好聽既歌黎既。
我地照舊係學校間唔中練習下。
好快又到音樂考試。
而我地開始唱既時候。
唔知點解對沛珩有返一種中意既感覺。
或者係呢首愛情歌既影響。
但都只係果一刻既感覺。
而呢一排佢同阿源好似相處得唔太開心。
唔知因咩事呢?
唔通佢地會分開?