【校園】現實與平行時空的愛情故事: 第二十九章 - 第二次的戀愛-10 ( 複雜 )
- 第二十九章 - 第二次的戀愛-10
關係「複雜」通常係因為自己同對方做左一些本身既關係唔會做或者唔應該做既事。
亦通常用係男女之間既關係。
…………………分隔線…………………
- 第一日(續) -
帶住成頭問號既我地之後就去左水族館上面食野。
唔好以為係一間餐廳咁好。
其實感覺上只係有枱有凳。
然後好似有類似到會既野食比我地食。
雖然食物種類唔多, 亦都唔多美觀。
但好彩算過得去。
食完野之後, 我地就帶埋我地既行李入水族館。
我地既行李先放入一間唔係好大既房入面存放住先。
之後有個導遊帶我地參觀一下呢間水族館。
呢個水族館的確幾大。
同香港既水族館有過之而無不及。
我同沛珩就周圍影下相。
有好多水母, 好多魔鬼魚, 又有唔同種類既鯊魚。
其中有段路係有條自動行人通道。
的確幾特別。
但係就好似無咩需要起呢條自動行人通道。
當去到呢條通道既時候。
我地既領隊同我地講我地今晚要係呢條通道訓。
每人會分派一個睡袋。
「訓睡袋咁灰? 仲要訓係一條一半係自動行人通道, 一半係行人通道既通道? 訓教既時候咪成個壽司係咁轉?」我心諗。
當然水族館關門既時候, 個自動行人通道就緊係唔會郁啦。
原來我地頭先食果餐已經係晚餐。
所以今晚就望下望下魚黎訓教。
派完睡袋就緊係立即去沖涼。
原來係某個地方既廁所係有得沖涼。
所以沖完涼都立即拎埋睡袋去搵個靚位訓教。
我連同沛珩, KEN, 阿樑同阿美一齊搵左通道既其中一個位置訓教。
初頭大家都係到傾下計。
傾傾下就一個個都訓著左。
直至到得返我一個人未訓。
唔知點解我又唔係好想訓教。
可能因為訓係我旁邊果個係沛珩。
不知不覺我就望住佢訓教個樣。
望望下佢郁兩郁。
我用隻手摸到佢隻手好凍。
可能因為係水族館冷氣幾大既關係而令到水族館入面既溫度比較低。
而且個睡袋都包唔住成個人。
所以慢慢都感覺到佢震震地。
我再用我雙手幫佢保暖。
慢慢佢都捉住我對手。
但我地都無講任何野。
我地亦都無望住對方。
好快佢就應該訓著左。
而我就望住水族館呢條通道上面既玻璃。
望住一條條既魚游過。
直到天光…