【校園】現實與平行時空的愛情故事: 第三十章 - 第二次的戀愛-11 ( 感覺 )
- 第三十章 - 第二次的戀愛-11
「感覺」呢樣野每個人都唔同。
可能有人對每個異性都有「感覺」。
可能有人唔會對異性有「感覺」。
可能有人會一見鍾情有「感覺」。
亦可能有人對同性有「感覺」。
「感覺」的確因人而異。
不過要好好珍惜呢一種感覺。
因為當人大左, 「感覺」呢樣野可能變得唔重要。
人大左會慢慢變得現實。
「愛情與麵包」又會點揀呢?
…………………分隔線…………………
-第二日-
係水族館條行人通道訓醒之後就去梳洗一下。
之後每個人都慢慢訓醒同梳洗。
然後又夠鐘集合。
帶我地又去返第一日食晚餐既地方食早餐。
食既野同晚餐無咩分別。
食完野之後就帶埋行李搭旅遊巴。
我依然同沛珩坐。
坐坐下佢拎左部iPod出黎聽下歌玩下遊戲。
之後佢都比我聽下歌。
我就睇下風景。
之後唔記得係佢定我拖住左對方十指緊扣。
果一刻係有種情侶既感覺。
有點觸電既感覺。
好似同當初同佢一齊既時候再強烈既感覺。
之後我地去到一個地方參觀。
認識下新加坡既歷史。
參觀完之後就帶左我地去一間新加坡既香港茶餐廳食午飯。
漢堡包同汽水。
味道都唔錯。
然後又上旅遊巴。
車上面我地亦都有拖手。
希望唔比其他人發覺啦。
感覺上我地兩個似偷情。
我似係做左第三者。
無幾耐我地就到左我地未來幾日住既地方。
的確唔係一間酒店。
不過係一間RESORT。
環境唔差。
我地咁多人就分派左唔同既房。
四人一間房。
呢間房有我, KEN, 阿樑同另一個相熟既同學。
而我地呢間房其實係相連住另一間房。
兩間房只係隔住一道門。
而咁岩對面房就係沛珩果間房。
佢地間房入面有沛珩, 領隊MISS同兩個唔太熟既同學。
放低好行李之後我地又準備食晚餐。
係RESORT入面既餐廳食飯。
味道的確比起水族館提供既野食好好多。
有味道唔錯既海南雞飯同湯。
終於有一餐係食好少少啦。
之後夜晚都無活動了。
我地就係間房汁下自己既行李。
揀下自己訓邊個位。
四個人一間房。
只有兩張單人床。
好彩大床下有兩張細床比我地訓。
個個都想訓大床, 因為大床點都舒服過細床。
所以我地四個將兩張單人床合埋做大床。
然後四個人都迫埋係張大床到訓。
不過係訓之前, 沛珩話佢間房訓個位好凍。
所以佢話想過黎訓。
我地亦都比佢過黎訓。
但佢無諗過一個女仔過黎四個男仔既房到好唔安全咩?
可能因為我係到先覺得安全?
又或者係因為我係到佢先想過黎訓?
不過佢無係大床訓。
因為唔夠位比佢迫埋黎。
最後佢就訓係細床。
而我就訓係細床旁邊既大床邊睇住佢訓。
咁樣就訓左了。
究竟我地拖手係咩意思呢?
沛珩過黎訓又係咩意思呢?
我真係唔知…