【校園】現實與平行時空的愛情故事: 第三十一章 - 第二次的戀愛-12 ( 一錯再錯? )
- 第三十一章 - 第二次的戀愛-12
「一錯再錯」意思或者係解錯完一次再錯多一次。
或者沛珩之前已經當我係水泡, 而我又願意去做水泡。
咁樣或者已經錯左。
依加仲好似勾埋自己朋友既女朋友
或者又錯多一次?
不過又有邊個可以決定誰對誰錯呢?
…………………分隔線…………………
-第三日-
訓醒之後依然仲見到沛珩訓左係旁邊既細床。
我叫醒佢過返佢間房梳洗一下。
之後我都去梳洗一下。
直到集合時間, 大家都好似未訓醒咁。
可能感覺係好似去旅行咁。
大家都有一種想訓多陣既感覺。
所以一上旅遊巴之後, 大家都開始訓教。
我依然坐係沛珩隔離。
亦都有拖住手。
我同佢都一齊訓左。
好快又去到一個地方。
首先係去到一間餐廳食早餐。
然後再上旅遊巴繼續訓教。
又好快去到一個地方。
我地去到一個類似太空館既地方。
講解下新加坡既航天科技等等。
當然過程中咁多同學係到就冇拖手。
但都會一齊行。
印象中新加坡既航天科技介紹好似比起香港差少少。
亦都好快又行完呢個地方。
然後我地又上旅遊巴去食飯。
可能頭先係旅遊巴訓左一陣唔太眼訓。
所以拎左沛珩既IPod黎玩下遊戲。
又好快去到食野既地方。
食既都係普通菜式。
食下菜食下肉餅咁。
咁樣又一餐。
之後就去左一個動物園既地方。
係呢個地方等左一陣就好快天黑。
然後先開始我地既行程。
原來我地呢次行程係夜間動物園既遊覽。
我地搭住動物園既排排車去觀光。
排排車就係一種兩個人排排坐, 每一卡都有3,4排到。
冇玻璃既車係有一種貼近大自然既感覺。
不過係會有啲蚊。
間唔中都會比蚊咬一啖。
夜晚去動物園觀光的確同朝早觀光個感覺唔同。
可以觀察到有幾種夜行動物而日間係見唔到佢地既行動。
係一個好既見識。
好快都遊完呢個夜間動物園。
然後就上旅遊巴返去RESORT。
返去既時候大家都好快就訓左。
亦都好快就返到去。
然後我地幾個男仔都輪流沖涼。
大家沖完涼之後已經有一兩個人已經訓左。
之後沛珩過左黎。
佢亦都沖完涼。
亦都打算今晚繼續過黎訓。
不過佢話張細床訓得唔舒服。
咁我就叫佢上黎大床訓會舒服好多。
最後好似前一晚咁訓。
不過佢上左黎張大床同我訓。
當然旁邊仲有2個男仔係我左手邊訓教。
而沛珩就係我右手邊訓。
第一次同一個女仔訓埋一齊。
真係第一次。
訓訓下醒左。
我發覺我同沛珩拖住手訓教。
究竟我地之間係咩關係呢?
其實我地依加既感覺同男女朋友好似無咩分別。
感覺就似地下情人一樣。
有實但無名。
感覺有點虛無。
感覺好唔踏實。
好想捉緊呢一種感覺。
但係又係唔係可以比我捉得緊呢?