(短故）《為咗係聖誕前出pool，我居然去咗玩tinder》: 10.

這次之後我把tinder刪除了，和阿君的溝通就改以whatsapp，這樣比起在tinder聊天更加方便。

「今晚我收工之後食宵夜？」阿君問我。

「好呀。」我沒有想過和阿君的發展會如此順利，我們雖然還未正式成為情侶，但他會跟我吃飯看電影，有時更會等我下班。

這時候Celina在我身旁，於是我又再提起阿君，把當晚在酒吧和之後的事告訴她：「其實都無諗過會咁樣開始，本身仲驚佢屌完就算，但而家望落又唔似。」

「佢做酒吧㗎？」Celina問我。



「係呀，不過我都係個晚撞到佢先知。」我孤疑地說：「佢之前都無提起過。」

Celina一茫然的樣子，然後才說：「可能，佢覺得唔重要先無提到啦。」

「唔理啦，都係無關痛癢嘅小事。」我笑了笑：「我鍾意嘅係佢個內心，同我好似。」

「你開心就好啦。」Celina拍一拍我：「希望你快啲同佢出pool啦，咁樣就有人陪你啦以後。」

「承你貴言。」



到了凌晨一點多左右，我到了阿君工作的酒吧外等他。

等了十分鐘左右，阿君在電話裡跟我說要收拾好才可以走，要我再等一會兒；我便點起煙來打發時間。

吸了幾口後，有人推門從酒吧裡走出來，我還以為是阿君。

「沈卓怡？」阿鋒愕然地道，然後問我：「你點解會係到？」

「等人咋嘛。」我有點䤄腆地說，如果直接說等阿君好像很奇怪。



「等人？阿君呀？」

「係呀。」我點點頭。

「oh，唔怪得個衰仔叫我走先。」他向門裡舉了一下中指：「條仆街重色輕友嘅！」

「一齊食囉。」我想反正我和阿君還未在一起，跟阿鋒三個人吃也沒有關係吧。

「唔怕阻住你地？」阿鋒斜眼看了我一眼，然後就點起煙來：「我唔想燒春袋喎。」

「得啦，真係唔會！」我笑著推他的身體：「咁夜出嚟飲嘢，Celina無畀說話你聽咩？」

「嗌咗交。」他淡然地道：「唔洗理佢。」

這時候我有點尷尬，因為我和阿鋒又未相熟到可以暢所欲言的地步，我完全不懂得回應。



「其實我覺得，同佢唔係好夾。」他突然又吐出這句。

「你地一齊咗就嚟一年啦喎。」我問：「唔夾應該一早知？」

「熱戀期就會畀美好嘅嘢蒙蔽咗㗎啦，就係一齊耐咗先知唔夾。」他張著嘴吹出一個個煙圈來：「天下間好多情侶就係因為了解先分開。」

我想起我和家明。

「都係嘅。」我認真地問他：「咁你打算點？」

「唔知。」他吸了一口大氣，再重重地呼出來：「我要搵嘅女人唔係Celina呢種。」

「咁係邊種？」



「係會陪我去睇伊瓜蘇瀑布嘅人。」他一本正經地說，跟平常的阿鋒很大分別。

「嘩，你同阿君講啲嘢一樣㗎喎！」我大笑起來：「你地對住女仔都鍾意用呢句？」

「佢抄我姐，哈哈。」他輕笑了兩下，然後說：「我同佢都係王家衛fans。」

「有taste喎。」我向他舉起大拇指。

「都係個句啦，佢學我咋。」他聳聳膊：「讀同一科，無計，鍾意嘅嘢係差唔多。」

「啊？居然？」因為和阿鋒只見過兩次面，也沒有刻意問過Celina，我現在才知道他也是電影系學生。

「係呀，我同阿君同學嚟。」這個時候阿君從酒吧走出來，走過來問阿鋒：「做咩仲未走嘅屌你。」

「做咩呀，怕我撞破你地兩個呀？」阿鋒又回復嬉皮笑臉的模樣：「我知道哂喇死仔。」



「咁你咪好叻？」阿君反了一下白眼，然後拖起我的左手並高舉在阿鋒面前：「係呀，到我拍拖啦，唔好羨慕我。」

阿君突如其來拉起我的手令我不知所措，我只懂傻笑著看著他們。

「咁今晚宵夜你請。」阿鋒理所當然地講。

「含撚啦。」

他們一來一回地說著吵著，我和阿君就在這個情況下正式成為了情侶。

我們之間最浪漫的事大概就是由〈海浪〉開始。

我同阿君的主題曲。