收工之後, 三條女一齊搭 lift 落樓收工走人嘅時候, Carrie 同洛儀係咁不停吱吱斟住, 「Carrie, 趕唔切嘞, 飛的啦!」
 
可可問住佢哋, 「做咩呀? 有節目呀?」 洛儀同可可講, 「去銅鑼灣呀, 而家全城造 B 響皇室堡度搞緊拉票呀!」可可聽完之後就哦咗一聲。
 
Carrie 同可可講, 「喂可可一齊去啦, 我哋落去投楓 B 票呀!」可可似乎無咩興趣咁話, 「唔嘞, 我一集都無睇過, 而且果啲偽韓仔都唔啱我嘅!」 洛儀又講, 「唔係呀, 楓 B 同輝 B 真係好靚仔架, 去啦可可, 妳去幫我哋手投埋楓 B 票啦!」
 
二人不斷游說住可可, 而可可亦無奈地被迫咁跟埋 Carrie 同洛儀搭的士落銅鑼灣, 皇室堡門外, 現場已經人頭湧湧, 一眾少男少女嘅尖叫聲正在彼此起落, 三人到達咗之後幾經辛苦先至勉強可以攝到入去地下場內。
 
遠處嘅舞台之上, 一眾油頭粉面,  悉心打扮嘅 B 仔 B 女正響舞台上輪流傾力地演出, 現場各瘋狂少男少女粉絲亦正嗌破喉嚨咁為台上自己嘅偶像落力打氣同做勢。
 


而可可就比身邊緊緊包圍住自己嘅狂野份子嗌到頭都暈埋, 突然, 陣陣瘋狂嘅尖呼叫聲正在響起, 就連身邊嘅 Carrie 同洛儀亦開始同時係咁大嗌住。
 
「楓 B 楓 B, 加油呀, 你好靚仔呀!」
 
現場拆天嘅叫聲簡直可以講係全晚之最, 可可望吓台上呢個咁令人振奮嘅楓 B, 但唔望尤自可, 一望之下, 可可即時成個人就呆咗響度。
 
台上呢個咁令人如痴如醉嘅楓 B, 佢個樣居然係同可可嘅首任男朋友楓楓 Sir 有九成相似, 但到楓 B 開始講嘢嘅時候, 可可就更加確定呢個絕對就係楓楓 Sir, 而亦即係自己將第一次奉獻比佢果個初戀情人。
 
楓楓 Sir 已經開始響台上又唱又跳住, 而可可亦仲唔敢相信眼前人就係當年上佢屋企幫佢補習果個性格內向嘅宅男, 而今日佢居然搖身一變就成個超級偶像咁響台上載歌載舞住。
 


楓楓 Sir 正響台上唱緊齊天大聖, 「…….禮貌合掌, 下一秒的力量叫做天下無雙, 眼睛擦亮, 金箍棒不懂什麼是以柔克剛……….」
 
可可已經比台上嘅楓 B 搞到呆若木雞, 一幕幕令佢刻骨銘心嘅回憶就正洶湧澎湃地響心中湧現住出黎。
 
諗番起仲係學生時期, 可可第一次搵楓楓Sir 上佢屋企度幫佢補習 Econ 果陣, 跟住正值含苞待放中嘅可可, 居然響房內大膽地色誘住楓楓 Sir。
 
最記得可可第一次響房夾硬除楓楓 Sir 條褲鏈, 跟住人生第一次望見男人又摷又肉酸嘅果度, 再第一次嘗試幫男人手淫, 而又第一次比男人摸住自己嘅身體, 到咗最後刻意響渡假屋內將保貴嘅第一次奉獻咗比對方。
 
可可諗到已經呆哂響度, 就連身邊嗌到拆哂天嘅尖叫聲都已經完全聽唔倒咁滯, 楓 B 已經表演完畢, 但輪到 MC 上台講嘢嘅時候, 各候選 BB 就行到台下開始派發印有自己相片嘅閃卡拉票。
 


全場嘅氣氛再被推到高峰, 所有瘋狂粉絲正失控地湧到欄杆之前瘋搶閃卡, 可可比人迫吓迫吓, 跟住就隨住人潮咁被迫到去欄杆之前, 萬千嘅手正響可可身邊瘋狂地咁遞住出去, 而可可就見到楓楓 Sir 已經開始派卡行近。
 
「楓 B 楓 B 楓 B 楓 B 楓 B 楓 B……..」 「楓 B 比我呀, 呢度呀, 派比我呀…….」 楓楓 Sir 派卡已經逐漸行到埋黎可可之處。
 
已經行到可可面前, 可可望住眼前嘅楓楓 Sir, 「呀楓…….」