惡城

仲記唔記得幼稚園或者老師問你夢想係乜，你毫不猶豫咁回答；中學果陣，談到夢想，老師只會叫你考好個DSE佢，考到個好成績，入到間好大學先有資格講夢想；當你入到大學，你個夢想就真係得翻夢同想，你只係想搵一份夠糊口，養到屋企嘅工就夠。因為漸漸你發現，喺香港，生活已經摧殘到你不似人形，更遑論話咩追夢。故事嘅主角 — 一個讀BBA Year 1嘅大學生，看似普通不過，因緣際會下做咗一間社福機構嘅輔導員，寫出一篇自己嘅故事，未知雪泥鴻爪可以留到幾深刻，只希望各位睇完有所啟發。