三) 

“溫文樂!你可唔可以理下我感受呀?” 女生對住溫文樂咆哮。 

“我點樣唔理你感受呀羅婉珊?”文樂似乎異常暴燥,毫不憐香惜玉。 

“我想你關心下我呀!你日日都係做做做, 
放工就訓,訓訓下又話有突發CASE就衝左出去!”婉珊拎起梳化上既cushion,舉手就掉埋去文樂到。 

“發咩癲呀你?做野姐,你估我想架?” 文樂已經忍唔住心中既怒火。 





“你真係好冇安全感…我受夠喇…我地分手啦。” 婉珊轉身就走。 

文樂企左係到,呆左一陣,始乎無預計婉珊會講分手。 

“珊,唔好走呀!對唔住呀我唔岩,你唔好走啦。” 

不過當日婉珊並冇停低腳步,只淨低文樂一人,目送呢位拍拖多年既女朋友離開。 
===================================================================== 
我靜靜咁望住報告上既資料,腦海中卻載滿左同前女友既回憶。 





“根據驗屍結果,死者羅婉珊,二十五歲,已婚,死因係缺氧而死。 
身上同時有大量瘀痕,由此推斷,死者絕對唔係死於自然。 
廢話,自然死點會死係垃圾站呀!” 呀燊抱怨報告提供既資料少之又少。 

不過,身邊既我只係緊緊拎住報告,不發一語。 
呀燊見我咁既狀態,呼喚左幾聲,我終於回過神。 

“係佢,一定係佢…冇可能架…點解會咁架…”我心痛得緊要。 





“你講咩呀邊個佢呀?”呀燊眼神有少少疑惑。 

“佢係我前女友。” 我雙目無神咁講。 

呀燊差少少就將口裡面既奶茶噴出黎。 

婉珊,洋名CANDY,自中學時期同我青梅竹馬既女友。 
聽講,CANDY同我分手之後,識左一個男人,好快就拉埋天窗,成個過程,只係最近短短兩年既事。
已有 0 人追稿