[專員≠Hugo] 我係溫文樂，奉命調查一宗垃圾站藏屍案: 四

“呀燊，幫我查下佢老公咩料！佢一定有問題！” 我突然拋低一句，呀燊點點頭，冇多問就走左去。 

直覺話俾我知，比起發現屍體既清潔工，婉珊老公應該係一個更為關鍵既男人。 

或者平時，我一定唔會咁上心； 
但係今次關乎一個我愛既女人既性命，我不得不查出真相。 

查唔到既，我溫文樂三個字調轉寫！ 

拜託左呀燊幫我查婉珊老公之後，我決定先去現場睇睇。 




諗番起發現屍體既地點，同份報告既內容，我實在接受唔到婉珊就咁死左。 
我嘆左口氣，一路開車到慈雲山， 
我非常熟路，唔洗十分鐘就到左現場，因為我正正住係慈雲山。 

垃圾站仲未解封。 

我拉開警察既封條，準備走入去垃圾站睇下環境。 
尚未走到入去，已經聞到一陣陣分唔出係屍臭定垃圾臭既氣味。 
咁樣就解釋左，點解腐爛左既屍體放左係到咁耐，都冇人發現。 





“呀….” 唔知係咪氣味太過刺鼻，抑或係我因而諗起Candy，我頭痛得好緊要。 
我按按我既太陽穴，堅持落去。 

睇番報告，屍體被放置係一個大垃圾廂內，用大垃圾袋裝好。 
至於點解咁多日都冇被送去堆填區，咁就要問下負責既清潔工喇。 

睇完垃圾站，毫無線索。而最慘既係，個個垃圾站附近，並無安裝閉路電視。 
暫時我可以做既，就係去探訪一下個個發現婉珊既清潔工。 

我打電話番差館，查出清潔工住係邊到，就向住佢既居所出發。