[專員≠Hugo] 我係溫文樂，奉命調查一宗垃圾站藏屍案: 十一

我同呀燊等呀等，居然由朝早就等到lunch hour。 
我部電話都就黎玩到冇電。 

下午一點。 
reception小姐都準備去食飯。 

“小姐，請問我地仲要等幾耐呢？” 呀燊首先忍唔住，去左問Reception小姐。 

“丫，唔記得同你地講，許生頭先開完會渣車走左喇。” Reception小姐絲毫冇半點唔好意思。 





我頂佢個肺丫，擺明玩我地姐？ 

“小姐，你知唔知你刻意唔俾我地見佢，我地可以告你阻差辦工？” 
我嘗到保持冷靜，我一早估到唔會咁順利見到佢。 
但係咁樣，只會更加深左許家富既嫌疑。 

“痴線，我又冇做乜野。 
我唔記得講你地聽姐，況且我老細要走我又點阻佢？” 
Reception小姐繼續冷冷咁講。 
真係想狠狠咁車佢一巴。 





“警犬。”Reception小姐走既時候，仲細細聲講左句。 

呀燊差一步就衝上去同佢理論，不過作為公僕，我地又點可以粗暴對待市民呢？ 

哼，許家富，你覺得你走得甩咩？ 
睇住黎，我唔會放過你架。 

唔係公司丫嗎？我剷上你屋企。