[專員≠Hugo] 我係溫文樂，奉命調查一宗垃圾站藏屍案: 十

“兄弟，如果有咩要我幫手既，即管出聲。” Hugo終於開口。 

我只可以表示感激，但係我心知道，Hugo幫唔到我乜野。 

同Hugo食完晚飯，我就番左去屋企。 
自從同CANDY分手以後呢兩年，我早已經習慣左對住屋企四面牆。 
毫無生氣，偶爾聽到隔離屋既嘈雜聲，又或者係樓下既狗吠聲。 

我到底係點捱過咁多個夜晚？我唔記得。 
但係我只係知道，我仲係好愛CANDY， 




我真係接受唔到CANDY就咁死左… 
我以為當日放手，俾CANDY同許家富一齊，係偉大既表現。 
我以為佢會幸福，以為佢會有比同我一齊更舒服既生活。 
但係而家CANDY居然死左… 

如果CANDY既死同許家富有關既話，我一定唔會放過佢！ 

一覺訓醒，我拖住沉重既眼袋，疲倦既身體番去差館。 
可能係為左CANDY既事特別費神。唔得，我要精神！ 
今日我要去搵許家富，問個清楚。 





準備好之後，我同呀燊一早就出發到許家富既辦公室。 

“小姐，我地係警察，我地想搵許家富先生。”我同reception既小姐講。 
Reception小姐面上毫無笑容，雖然施左一層化妝品，卻難掩佢冰冷既面孔。 

“呀SIR，許生開緊會喎。” 個位小姐掃左我地一眼，目光又停留係電腦屏幕上。 

簡單黎講，佢完全無視我地。 





“佢幾耐先開完？我地等佢。”我強忍怒氣。 

“唔知道，你地等下啦。” 今次，個位小姐連望都冇望我地一眼。