呀燊冇跑出黎,因此佢知道我需要靜下。 
我一口氣跑到條冇人既後巷,大汗淋漓。 
我實在唔希望Candy既事會被廣泛報導, 
我唔想Candy死左都俾人拎出黎講, 
我唔想Candy真係背負住紅杏之名。 

“呀….”我大叫,以宣洩心中既壓力。 

突然有人遞上一張紙巾,呂芷晴。 
我冇去考究點解佢會追到上黎,我拎左張紙,打算抺汗。 





“喂,你做咩呀!”呂芷晴驚叫。 

“抺汗囉…你想嚇死人咩小姐?”我摸住自己心口。 

“唔係俾你抺汗架!”呂芷晴氣急敗壞。 

“唔抺汗做乜呀…”我喃喃自語,卻突然望到紙巾上面寫住幾隻字。 

“我地合作,你查許家富,我幫你搵佢背後既第三者。” 





我望住呂芷晴,簡直覺得不可思議。 

“點解你要寫低?唔開口講呀?”我實在百思不得其解。 

“你有警察既操守,我都有記者既操守。張紙你執到架咋,唔關我事架。” 
呂芷晴向我單一單眼。 

我實在唔明呂芷晴點解死都要跟呢單案,不過多個人幫手都好既。 
可能佢因為頭先八卦問錯問題,所以想補償我掛。 




而且,佢係記者,對d八卦既事應該有佢既門路既。 
亦都係因為佢既主動幫忙, 
我對佢有番少少好感。
已有 0 人追稿