[專員≠Hugo] 我係溫文樂，奉命調查一宗垃圾站藏屍案: 十五

番去沖個涼，我就準備出發去許家富屋企。 
到左許家富既大宅，開門既人亦冇好似預期般阻撓我。 

“呀SIR，許生番緊黎喇。請你等一等，飲杯茶好嗎？” 個位相信係許生家中既傭人。 

“唔洗客氣架喇。”我簡單回應。 

落地玻璃，配以海景，樓高三層，豪華既家俱。 
我同許家富之間既距離，並唔止CANDY。 
當初我知道左CANDY同左呢個富商一齊， 




我都有D錯愕。 
不過，人大左，就要向現實低頭。 
我俾唔到既CANDY就係呢種安穩既生活。 

腦海當中不停浮起同CANDY既點滴之時， 
許家富已經番左黎。 

“溫SIR你好，我係DENNIS。” DENNIS係許家富既洋名。 
西裝骨骨，梳左個簡單既分界，一副成功人士既模樣。 許家富並唔知道我係CANDY既前度。 





“個日我唔知道你係公司等緊我，SORRY。我已經教訓左RECEPTION WINNIE一餐。 
係呢？唔知有咩幫到你呢？”　許家富飲左啖茶，氣定神閒。 

許家富完全冇有錢人個種氣焰，呢樣我有少少驚訝。 

“我想知你同羅小姐本身關係如何。以及，你地之間係咪有第三者。”我眼神轉厲，直搗黃龍。 

我捕捉到許家富眼神有少少閃縮。