[專員≠Hugo] 我係溫文樂，奉命調查一宗垃圾站藏屍案: 十七

“喂？呂小姐？”呢次係我第一次打俾個記者妹。 

“溫SIR？難得喎。搵我咩事呢？” 呂芷晴始乎係明知故問。 

“想睇你有冇咩消息之嘛。”我單刀直入。 

“呀SIR，終於要我幫手喇咩？！” 我聽得出呂芷晴有興奮同滿足既感覺。 

“交換下資料咁啦。”我居然要靠一個記者，真係唔好意思。 





“今晚7點，又一城等啦。唔講住喇我做緊野呀！”　 

嘟….. 
電話筒既另一方傳黎空洞既聲音。 
嘩！佢唔係真係咁快有料呀嗎？ 

晚上7點半，又一城溜冰場。 
我打左一次又一次既電話，居然只有留言信箱既錄音。 

“頂！”我暗罵呂芷晴冇交帶，遲到都唔講聲。 





一直打到我想放棄之濟，我終於見到呂芷晴姍姍來遲。 
緊身白色T-SHIRT，深藍色牛仔褲，加對平底鞋。 
簡單得黎，完全突出呂芷晴既身材。 

“樂仔哥哥，唔好意思呀做野遲左！”呂芷晴伸伸脷。 

“你點會知道我個名架？” 

“呀燊講我聽既！我仲知你好多野架！唔好講住喇！好肚餓呀！ 




我地去食野先啦！” 說罷，呂芷晴就拉住我隻手走左去搵野食。 

噗通。點解跳得咁快既？ 
佢隻手好細，好軟，好暖。 
噢！我黎攞料架喎！做咩變左食野架？！ 

呢個時候，商場既電視正播放住新聞。 

"琴晚零晨，慈雲山慈正村垃圾站發現另一具女性屍體。 
係繼上星期之後再係同一地點發現屍體。” 新聞主播正報導緊晚間新聞。 

唔係呀嗎....