"喂,溫文樂!"陳穎妍係學校走廊叫停我。 

"咦,hi。"我有少少驚訝,通常佢都淨係笑笑口,唔會出聲。 

"你地班做左maths chapter 5未呀?" 

"好似做左喇。"我好似抄左hugo。 

"借黎抄得唔得?" 





"哦,轉頭拎俾你。" 

就係咁,我同陳穎妍就開始左傾計既階段。 
印象中,我地好似出過下街,睇過下戲。 
甚至有同學傳過我地拍拖,不過當然唔係事實。 

如果你問我有冇鍾意過佢?我都答你唔到。 
不過個陣時,可以同個靚女去街,當然係一件開心既事。 
至於點解我冇追過佢,大概係因為當日佢係後樓梯俾我撞破, 
佢係我心目中既第一印象唔係咁好。 




我地既好朋友關係,直至中五離校就完左喇。 
================================== 
我係回憶中番番黎現實。 
點解第二個出事既人又係同我有關? 
究竟係巧合? 
定係兇手根本係一個同我地有關係既人? 

我將我認識死者既事同左呀燊講。 

"喂,認真,你估會唔會有人想向你報復? 




你有冇得罪過人先?"呀燊一臉認真咁問我。 

"冇呀...除左做野,你知我好少出門。 
更加唔好話得罪人。 
當然,平時做野個D,一定會得罪到人架啦。" 

"冇計啦,試下查下先啦咁。" 

"我擔心仲有下一個受害者,而且我又識架姐..." 

而呢樣,絕對係我唔希望見到既事。
已有 0 人追稿