[專員≠Hugo] 我係溫文樂，奉命調查一宗垃圾站藏屍案: 二十二

再一次去到慈正村既垃圾站。 
垃圾站並冇異樣，根據鑑證方面既報告， 
由於太多工作人員處理過垃圾， 
垃圾車同垃圾袋上滿怖唔同人既指紋， 
根本提供唔到證據。 

今次發現屍體既，係另一名清潔人員。 
不過，係我到達個個人員既屋企之前， 
我發現有人比我早一步到左。 





呂芷晴。 

"你又係到做咩呀？"我問。 

"查案囉！"呂芷晴扮哂警察既口吻。 

"又係你負責？"我皺皺眉。 

"係呀，又係你呀溫sir？你有冇咩資料俾到我呀？"呂芷晴懶熟咁搭住我膊頭。 





拿溫文樂，唔好心跳加速呀！ 

"無可奉告呀..." 

"唔好咁啦，又話合作！"　呂芷晴氣急敗壞。 

"我地既合作只限第一單案，而且你都俾唔到咩資料我！"　我笑笑口。 

"但係好明顯兩單case有關聯架喎！拿，我地坐低飲杯野傾下！ 
話唔定可以諗到咩共通點呢！ 




我已經去左拜訪個死者個老公喇，不過佢唔肯見我呀！"唔怪得佢聽到我唔幫佢咁緊張啦。 

"咁快？你係記者人地點會講你知呀？" 

"所以我咪要你幫手囉！你幫我既話，我又有資料， 
你又破到案，係咪先？就咁話啦！今晚見你啦！拜拜。"　呂芷晴又一支箭咁走左去。 

佢又唔等我應承就走左去！ 
我問完清潔工既資料，就向陳穎妍既屋企出發， 
準備套下佢老公。 

因為，呀燊話我知，陳穎妍同佢老公， 
同樣地因為婚外情嗌交而報過案。