[專員≠Hugo] 我係溫文樂，奉命調查一宗垃圾站藏屍案: 二十六

"琴晚...對唔住。" 
一輪冷靜過後，我同呂芷晴終於可以坐低傾下。 
首先開口既，係我。 
係唔知我做過D乜既情況下，我決定道左歉先。 

"Nevermind。" 芷晴出奇地靜，令我更加擔心。 

"係呢..琴晚，我斷哂片， 
你可唔可以話我知點解我會飲到咁醉？"我試探性咁問。 





"我點知你姐。"芷晴雙目通紅，淚珠係眼到浪下浪下。 

換黎既又係一陣沉默。 
由於氣氛極為尷尬，我決定快d走。 

"er...有咩事你就搵我啦，你有我電話架啦。 
我幫到就一定幫。 
我番去差館喇。" 我轉身準備走。 

"如果有事，你會唔會負責任？"芷晴拉住我。 





"會。"我直接了當。 

係我字典入面，有d事，做左一定要負責。 
(Hugo: 乞痴...) 

"你記唔記得你琴晚講過乜野？"芷晴接住問。 

"我？我唔記得，真係斷哂片呀。" 





"冇野喇。"　芷晴冇解釋我講左乜野。 

正當我想問佢既時候，佢搶先開口。 

"喂，今晚食唔食飯？我...煮飯。" 

誤打誤撞，我好似有番少少心動既感覺。 
不過，係心如鹿撞既情況下， 
我都係決定要搵搵Hugo，問下佢發生咩事。 

"喂，你個死仔！琴晚做咩咁興奮呀？ 
我識你咁耐都未見過你咁既樣。" Hugo第一句就問。 

下？咩樣呀？