[專員≠Hugo] 我係溫文樂，奉命調查一宗垃圾站藏屍案: 二十五

我拍拍自己個頭，點解我唔記得琴晚發生左咩事架？ 
冷靜冷靜。 

首先，我要攪清楚訓係我身邊個個係邊個先。 
由於對方背住我，我睇唔到佢既容貌。 
我小心翼翼咁落床。 
一絲不掛既我，執起左地下既衫著番，慢慢走到床既另一邊。 
深呼吸一下，拿，千其唔好係豬扒呀！ 
呀，唔係，千其唔好係識既人呀... 





一張青澀既瓜子臉落入我眼簾。 
頂...點解會咁架... 
訓係我面前既，居然係呂芷晴。 
呢一刻，我真係寧願訓係我身邊既係Hugo呀... 

好，再冷靜d。 
可能係我地飲醉左，佢搬我番黎姐。 
冇事既冇事既。 

要進一步試探琴晚我有冇做錯事， 




先睇一睇四周圍。 
呼，冇女性既衫褲係地下。 
CLEARED! 

我其實有打算就咁走左去， 
不過轉頭俾佢告我強姦我就真係水洗都唔清。 
為左我既前途著想，都係講清楚好D... 
其實呂芷晴都唔錯丫，又後生又靚女， 
身邊一定好多狗公。 





點解佢又肯同我發生關係架呢？ 
唔通佢睇中左我？ 
唔係唔係，我地唔一定發生左關係既... 
萬一佢起身要我負責任咁點算呀？！ 
咁我咪好蝕底？ 
咦，琴晚我有冇做足安全措施架......？ 

就係我不停FF之濟，女主角終於起身喇。 

"丫！！！！！！！！！" 
接住落黎就係一聲震耳欲聾既尖叫聲... 

點解？因為佢打開張被，發現自己冇著衫囉。 
丫，明明我檢查過架，佢D衫去左邊呀咁？