自第二單案發生之後已經過左成個月,
但依舊毫無進度。
 
佢地既老公,同事朋友,清潔人員,電話同電腦既紀錄,案發現場,工作地點,屋企附近,全部都查過哂。
 
唯一我地搵唔到任何線索既地方,就係所謂既第三者。
我甚至都懷疑,有冇個個所謂既第三者出現過。
 
我起初以為,上頭同埋輿論會俾到我好大既壓力。
但係我高估左呢件事係香港人心目中既重要性。




唔夠一個星期,其實都已經冇人記得冇人重視。
我應該開心定唔開心呢?
 
不過我冇放棄,我講過一定要幫Candy討番個公道。
 
今晚,我放工一如以往番屋企。
 
“番黎喇?我煮左飯喇!”著住圍裙既芷晴係廚房走出黎。
 
係呀冇錯呀,自從個次之後,芷晴成為左我屋企既常客。




至於我地既關係,我都冇去深究,亦都冇承認過對方既身份。
我淨係知道我地放假就會同對方過,佢又會上黎煮下飯咁。
 
望住芷晴,我忽然見到Candy既影子。
芷晴,成為左Candy既代替品嗎?
我又係咪真係愛呢個女仔?
定係我只係自私咁想有個人陪?
 
“你做咩呆哂呀?番工好攰呀?我幫你鍊下好冇?”芷晴體貼咁問。
 




呢個時候,我電話響起。
 
“溫先生你好,呢到係獅子銀行打黎架。請問你最近有冇財務上既煩惱?”
 
“我冇用你地銀行既服務架喎!點解你會有我電話?”我皺眉。
 
“唔好意思溫先生,根據我地紀錄,你係我地銀行既尊貴客戶,所以我地先會打俾你作推廣。”
 
咩呀…我幾時有用獅子銀行呀…?
已有 0 人追稿