[專員≠Hugo] 我係溫文樂，奉命調查一宗垃圾站藏屍案: 二十九

食飯過後，我同芷晴落左街散步。 

"其實呢，我地個晚有冇發生過D乜？"事隔一排，我終於開口問呢個問題。 

雖然呢個問題已經唔再重要，就算我地有冇發生關係， 
我都係會同芷晴一齊。er...算唔算一齊呢？ 

"有又點？冇又點？ 
如果有，你會負責任？ 
如果冇，你係咪會鬆一口氣？"芷晴眼神陰晴不定。 





我皺皺眉。 
女人真係，答有又話我因為責任先同佢一齊。 
答冇又會話我唔要佢。 
無比敵。 

"算啦，你當我冇問過啦。"我擰擰頭。 

不知不覺，我同芷晴行到去垃圾站附近。 
個個發現Candy屍體既垃圾站。 




未待我回憶同Candy既點滴之濟， 
芷晴咦一聲就行左過去。 

"喂，做咩呀？"我拉都拉唔住芷晴。 

走到垃圾站前，芷晴指一指不遠處既地下。 
香燭冥鏹？ 
見到d灰燼仲係微紅，證明有人黎過呢到拜祭， 
而且，走左唔係好耐。 





冇啦啦點解會有人拜垃圾站？ 
好明顯，呢個人同之前兩單案好有關係。 
正當我諗緊點樣查出個個人既時候， 
芷晴又一枝箭跑左去。 

今次我冇左問佢咩事，因為某程度上， 
佢係呢方面既觸覺比我強。 

"嬸嬸你好呀，請問你岩岩係咪有人係到拜祭過？" 
原來佢去左問個清潔嬸嬸。 

"我見唔到喎，不過呢排都有個男人半夜過黎燒野， 
九成係佢啦！"嬸嬸粗聲粗氣咁講。 

"個男人有咩特徵架？"芷晴追問。 





"高高大大，黑黑實實咁囉。" 

咁咪同陳穎妍老公描述個個第三者有少少吻合？！