個男仔沿住長樓梯一路跑,跑到附近一個足球場, 
終於俾我追到。 
我從後一推,佢就仆左係到。 
我一個箭步立即衝上前,禁住佢係地下。 

"點解要走呀?身有屎呀?"我問。 

"放手呀!呀SIR打人呀救命呀!"個男人大嗌,企圖引起途人注意。 
不過佢棋差一著,偏偏引左兩個軍裝既伙記過黎。 





"咩事呀你地?打交呀?快D放開佢!" 其中一個年青既軍裝差人指住我。 

"伙記呀,幫我check下呢條友。 
我頭先逗佢個陣佢企圖襲警加走佬。"我再次展示我既證件。 

軍裝警察見我係自己人,馬上衝過黎幫手,另一個就call番電台。 
最後我卻係大失所望。 
個男仔只係藏有少量毒品,始乎並唔係拜祭candy個個男人。 

"我問你,你咁夜做咩係附近流連? 




頭先有冇見過人係垃圾站附近出現?"我問個男人。 

"冇...冇呀呀Sir...俾次機會啦! 
d野唔係我架,係頭先另一個男仔架!" 
佢俾我地搜出毒品之後,嚇到成隻軟殼蟹咁。 
仲自己篤埋朋友背脊。 

"朋友....仆街喇!"我頭先掉低左芷晴呀! 
我見個兩個軍裝已經控制住個男仔,就打算打個電話俾芷晴。 





呢個時候,咁岩又俾我聽到個軍裝個對講機。 

"pc24578,請立即趕到慈正村ok便利店增援。 
有個疑犯脅持左人質,有兩個伙記控制緊場面" 

touchwood...冇事既冇事既。 
我同個兩個軍裝示意我會先趕過去, 
未等佢地回應,我已經跑過馬路, 
向便利店跑去。 

我唔記得左頭先其實打左電話俾芷晴, 
只係緊緊拎住部電話跑。 
電話卻傳黎一段錄音。 

"你已經接駁到..."
已有 0 人追稿