[專員≠Hugo] 我係溫文樂，奉命調查一宗垃圾站藏屍案: 三十

我同芷晴四周圍搜索，不過都係唔見個個男人蹤影。 
本來我想同芷晴講，呢D工作都係交番俾我同我班伙記。 
不過芷晴出奇地興奮，雙眼發光， 
我都冇阻止佢。 
或者佢真係天生食記者呢行飯。 

我同芷晴分頭搵過哂附近既停車場，公園等等， 
始終都係搵唔到個個男人。 
正當我打算同芷晴會合，有兩個係公園無所事事既o靚仔， 
不停咁向芷晴吹口哨。 




而且好快走向芷晴既方向。 

我望一望芷晴，佢著住背心熱褲， 
身材盡顯，難怪個兩個o靚仔咁狼死。 
不過我見芷晴依然好鎮定， 
我呢一刻好想睇下芷晴點應付。 

芷晴其實已經暗中走向另一個方向， 
不過個兩個o靚仔都睇穿左，走埋去截住佢。 





"o靚女，去邊呀？遊車河丫？" 下？成年架喇？遠睇我以為佢地毛都未生齊。 

"行啦靚女！食宵野好冇？" 另一個o靚仔居然多手拉芷晴。 

芷晴開始流露出驚恐既眼神。 
仲諗住食下花生睇下佢點應付，估唔到對方咁快出埋手。 
咁我都當然要出手啦。 

"警察，身份證丫。"我展示一下我既證件。 





正當我因為呢一刻既英雄救美而自HIGH緊既時候， 
仔細一睇，其中一個男仔都高大，而且黑黑實實。 
我皺皺眉，諗起頭先我地一直搵緊個個男人。 
唔通呢個男仔同單案有關？ 

我沉思緊之濟， 
男仔伸手入去褲袋，突然拎左D野出黎掉向我， 
轉身就走！ 

"唔好走呀你！" 我唔理佢掉左D咩俾我，跟住就跑。 

今次仲唔俾我搵到你？ 

留係我背後既，只有芷晴既叫聲。