[專員≠Hugo] 我係溫文樂，奉命調查一宗垃圾站藏屍案: 三十五

"Hugo，記唔記得呀健呀？"今晚我約左Hugo出黎見面。 

"玩野呀...點會唔記得呀..."Hugo以為我想提起佢以前既事。 

"呢幾年你有冇聽過關於佢既事？"我一臉認真。 

"um...有既...不過..."Hugo望一望我，居然一副有口難言既樣。 

"講你就講啦，兩兄弟有野唔講得架咩？"死仔包，你唔係有野瞞住我呀？ 





"有D事，唔知道唔一定係壞事既。"Hugo好似哲學家上身咁。 

"講啦，你知我仲查緊Candy既事架， 
我硬係覺得佢有少少關係..."我有少少唔耐煩。 

".......冇可能.....你指呀健係兇手？"Hugo一臉愕然。 

"冇可能？你究竟知道乜野呀？" 

"ok....我番黎香港之後，曾經... 




曾經見過呀健同Candy一齊。"Hugo嘆左口氣。 

"呢樣都唔出奇，佢地係同事呀... 
就係呢件事唔講得我知？" 

"你聽我講埋先。我見到..係佢地拖住手呀... 
我assume佢地係情侶關係... 
咁試問呀健又點會殺Candy呢？ 
只不過...你知啦..Candy已經係人妻， 
我講俾你聽又如何呢..." 





我晴天霹靂...冇可能架... 
Candy點會同呀健一齊架？！ 
冇可能架，個個第三者就係呀健？！ 
而且，就係因為佢地有關係，咁樣呀健既嫌疑就更大！ 

"Hugo，一場兄弟，你而家先講我知？"老實講，我真係有d嬲。 

我冇理Hugo係我身後講咩，我推開餐廳既門就走左去。 
我要少少空間冷靜一下。 
唔會架，Candy真係出軌？而且仲要係賤人健？！ 
呢個時候，呀燊終於打俾我。 

"樂仔？我查到你講個個人，佢呢排的確經常係慈雲山出現。" 





水落石出了嗎？！ 
呀健！！！你不得好死呀！