呢一刻,我心情煩躁得緊要。 
我應該點做好呢? 

直接去質問呀健? 
唔得,我冇實質證據, 
單單係佢成日出現係慈雲山, 
並唔足以證明佢就係犯人。 

既然係咁,不如就查下呀健同陳穎妍除左同學之外, 
有冇咩特殊既關係。 




小不忍則亂大謀。 

既然諗好左應對既方法, 
我拖住疲倦既身體番屋企。 
對住四面牆,我忽然想叫芷晴搬黎一齊住。 
畢竟比起冷冷清清,我更鍾意二人世界。 
嗯,好,唔知個傻妹知道會唔會好興奮呢? 

一覺訓醒就已經係第二日。 
拜託左呀燊幫我試下搵呀健同陳穎妍既關係之後, 




我決定親自跟蹤呀健, 
我實在擔心會唔會有下一個受害者。 

沙田新城市廣場。 
西裝骨骨既呀健拖住一個妙齡少女, 
一臉風騷咁係到偎依。 
我由佢地行街跟到食飯,再由食飯跟到佢送左人地番屋企, 
暫時都係冇咩發現。 

如是者,呢種生活我經歷左一個星期。 




最令我氣憤既係, 
呢條粉腸居然每日都拖住唔同既女仔約會。 

一直去到第二個星期。 
今日佢約既呢個女仔居然係芷晴......?! 
佢地點識架?! 

最令我牙癢癢既, 
係呀健個賤人隻手,竟然搭左係芷晴膊頭。 

我恨不得拔槍對住呀健既褲襠開槍呀!!!
已有 0 人追稿