[專員≠Hugo] 我係溫文樂，奉命調查一宗垃圾站藏屍案: 四十六

Hugo顯得難以致信。 
佢冇出聲，只係努力思考緊點解警察會知道佢同單案有關。 
另一方面，佢亦擔心樂仔會出事。因為真正動手既人係樂仔。 
Hugo本身亦唔係一個蠢既人， 
佢知道呢一刻最緊要係冷靜， 
佢亦冇李小龍咁既身手。 
佢冇出聲，只係點點頭，就跟住警察離開。 

對於突如其來既協助調查，酒吧內既人都面面相覷。 
身邊數個有意無意坐左係Hugo附近既女生， 




都紛紛注視住Hugo被帶走既一幕。 

"請問你係前晚，即係11月7日晚，你去左邊到？"負責既係一個年青既女警。 

"我同朋友出去去飲杯野。"Hugo淡淡咁回應。 

"之後呢？"女警追問。 

"飲完就番屋企。"Hugo態度不變。 





"你有冇見過相中既呢位女子？"女警手中拎住既，正正係死係樂仔手上既女人。 

"冇乜印象。"Hugo表面冷靜，心入面卻極度緊張。 

點解佢地會發現？明明都好乾手淨腳。 

"個晚你明明係同佢一齊離開，點解你要講大話？"女警突然企起身，大喝一聲。 

"係咩？我冇印象喎。"Hugo其實已經緊張到成個背脊都濕哂。 





"我地收到證人提供既資料，見到你當晚帶住呢個女人離開酒吧。 
另外亦有證據顯示，你第二日曾經買左把刀，同腐蝕性液體。 
而我地已經搵到呢位女士既屍體，佢既屍體正正俾人碎左， 
而且面部被腐蝕性液體毀容。係咪你殺左佢？！"女警咄咄逼人。 

Hugo冇回應，只係暗自思考。 
佢唔明白，點解有人會知道佢當日同個女人離開？ 
正確黎講，真正帶住個女人離開既，其實係樂仔。 
如果真係咁，拉既唔係應該係樂仔咩？ 
明明成個碎屍安排都應該好妥當， 
點解只係短短幾日，佢地就知道咁多事實既真相？ 

Hugo腦海突然出現一個恐怖既想法... 
一個Hugo唔願意承認既想法。