[專員≠Hugo] 我係溫文樂，奉命調查一宗垃圾站藏屍案: 四十七

三個月後。 

"被告溫文樂被控一項謀殺罪， 
鑑於其精神報告指出被告患有精神分裂症以及妄想症， 
本席認為被告係犯案時並冇辨識自己行為的能力。 
但由於案情涉及多人性命，被告病情嚴重， 
經陪審團大比數裁定， 
判被告小欖精神病治療中心接受無限期精神治療。" 

係法庭既旁聽席， 




出現左Hugo以及呂芷晴既身影。 
呂芷晴係宣判之前，早已喊到聲淚俱下。 

身置於犯人欄當中既溫文樂， 
發現左呂芷晴。 
呢刻既佢表現得好冷靜， 
向呂芷晴點點頭，報以一笑。 

"唔好喊。"溫文樂對芷晴以口型表達。 





接住，溫文樂將視線投向Hugo。 

"幫我照顧佢。"溫文樂點點頭，再向Hugo做口型。 

係送往小欖既途中，溫文樂不發一言。 
只係輕輕閉上眼，回想起呢數個黎發生既事。 
直到佢被捕，以及同精神科醫生見面個一刻， 
佢先知道自己患病既事。 

警方係佢既屋企，發現一本處名"Billy。樂"既日記， 




成為左呢件案既關鍵。 
裡面記錄哂呢一年黎既事， 
正確黎講，係Billy既事。 
======================================================= 
三月十八日，深夜。 

溫文樂呆坐係馬路旁，身邊有幾個酒樽。 
滿面通紅既佢，不停係向住空氣大嗌。 

"點解Candy你要走呀...我為左我地將來努力工作有咩唔岩呀？ 
點解你要變成一個貪得無厭既女人？ 
原來我冇時間陪你係一個籍口！ 
你點解要痴埋去個個咩許家富到？ 
女人冇個好人.... 
係...女人冇個好人.... 




我要你後悔，我要報仇， 
我要你死！！" 
說罷，溫文樂倒臥左係馬路旁，大概係不勝酒力。