[專員≠Hugo] 我係溫文樂，奉命調查一宗垃圾站藏屍案: 四十八

Candy婚後既一段時間，深夜。 

"Candy，出黎食宵夜啦好嗎？"電話上顯示住一條新信息。 

Candy不禁大嘆一口氣。 
自從佢結婚之後，大概已經收左過百條咁樣既短信。 
而每一次，都係深夜既時候收到。 
佢輕按住手提電話既屏幕， 
屏幕浮現出 "刪除" 既選擇，Candy二話不說按下。 





"唉，如果過去既事都可以刪除，咁係幾好呢？"Candy心諗。 

其實有好多次，Candy都想block左呢個男人。 
不過說穿了，佢唔捨得。 
佢唔想連個一絲殘留既關係都要親先殺死。 

Candy手握電話，諗到出哂神；卻突然被人從後熊抱住。 

"老婆，仲唔訓既？我番黎喇。" 開口既，係岩岩番到屋企既許家富。 





"老公，唔眼訓呀！想等埋你番黎。"Candy被嚇到失神。 

許家富從後攬實呢個年輕貌美既老婆， 
而視線則放係Candy手握既電話。 

"呀樂"。佢知道呢個就係經常搵佢老婆既男人。 
不過佢非常相信自己既老婆，縱使有少少不滿， 
都冇當係一回事。 
========================================================== 
三日後。 





許家富岩岩失去左一單大既訂單， 
正苦惱無處宣洩。 
於是佢一個人去酒吧，飲到爛醉先決定番屋企。 

一打開門，佢見到自己老婆又正正係手握電話， 
頓然無名火起。 
許家富衝埋去，一手就搶左Candy既電話，怒掟落地。 

"老公...你...你做咩事呀？ 
你好大陣酒味呀！發生...發生咩事呀？" 
Candy見到平時溫文爾雅既老公突然大發雷霆，不自覺向後一縮。 

"哼。你以為我唔知？究竟邊個係呀樂？！"許家富既怒氣係一刻間爆發出黎。 





事情發展當然就係嗌大交，最後報警求助。 
事後，深深不忿既Candy覺得好冤往。 
自己明明乜都冇做過，點解老公要唔信佢？ 
於是，佢做左一個鬥氣既舉動。 

"樂，宵夜？"　Candy輕輕按住 "送出"既按鈕。 
============================================================ 

如果當時Candy block左佢，如果Candy冇鬥氣， 
咁可能事情未必如今日咁一發不可收拾....