[專員≠Hugo] 我係溫文樂，奉命調查一宗垃圾站藏屍案: 五十一

溫文樂既第二個目標，係陳穎妍。 
自從佢殺左Candy之後，佢一直搵緊新既目標。 
佢心目中既賤女人。 

一次巧合之下，溫文樂見到陳穎妍係酒吧同一個年輕男性飲酒。 
佢立刻記起當日係中學時期，對方同一個不良份子一齊既事。 
聽班舊同學講，陳穎妍早係幾年前已經結左婚。 
眼前呢個男人，相信係佢既老公。 

溫文樂決定上前打聲招呼。 





"陳穎妍？我係bi...我係溫文樂呀。認得我嗎？"溫文樂親切咁打招呼。 

"呀樂？咁岩呀？"陳穎妍明顯非常驚訝。 

"係呀，聽講你結左婚喎。呢位係你先生？"溫文樂問。 

"唔好意思，我有d事做行先。"個位男士卻明顯搵緊借口。 

"喂！喂！"陳穎妍氣急敗壞，可惜留唔住佢個位朋友。 





事情發展到呢到，溫文樂已經睇出一d端倪。 
佢決定再進一步試探。 

"個位唔係你老公呀可？"溫文樂坐係原本個位男士既位置上。 

"唔係..."陳穎妍一臉尷尬。 

"我都估到架喇。" 





"咁你點解...？"陳穎妍估唔到溫文樂居然咁講。 

"如果我唔係攪到個氣氛咁緊張，我邊有機會坐低同你談下情呢？"溫文樂深情咁望住陳穎妍。 

"哼..原來又係勾三搭四既賤人...."溫文樂心諗。 

後來，佢地兩個談天說地， 
傾下傾下，又傾到去溫文樂既屋企。 

陳穎妍搵男人既原因，係因為老公太忙。 
可能因為酒精既關係，佢直認有個方面既需要。 
而且，仲不停暗示唔想番屋企。 
溫文樂當然歡迎。 

陳穎妍既一生，最後就以一聲慘叫結束。