[專員≠Hugo] 我係溫文樂，奉命調查一宗垃圾站藏屍案: 五十二

陳穎妍被殺以後，Billy出現晚次數明顯減少。 
原因當然唔係因為Billy已經殺夠人.... 

讓我地回到某一晚... 

"你係邊到呀樂仔哥哥？"記者妹問。 

"er...約左朋友出去。" 

"你唔係約左我架咩？！你係邊呀？"電話傳黎尖叫。 

"我幾時...算啦，你唔介意就一齊啦。" 

故事番去溫文樂約左Hugo同呂芷晴既一個晚上。 
溫文樂當時既諗法，係介紹Hugo同呂芷晴認識。 

"Hugo，呢位係芷晴。 
芷晴，佢係Hugo。" 溫文樂介紹雙方認識。 

以Hugo既性格以及佢無形既吸引力， 




溫文樂相信唔駛自己開聲，Hugo都會情聖上身。 
為左製造機會俾佢地，溫文樂於是藉詞去洗手間。 
溫文樂意想不到既，係Billy選擇左今晚出現。 

"芷晴，你真係好靚，你身邊一定好多追求者啦。" 
旁觀既人可能會以為呢番說話係Hugo講出口； 
但事實上，呢番說話係去完洗手間既溫文樂講既。 

呂芷晴被溫文樂突如其來既讚賞顯然覺得難以致信。 
佢唔明白點解溫文樂突然會有咁大既轉變。 




不過，一個墜入愛河既女人，又點會介意自己喜歡既男人咁講？ 

冇錯，呂芷晴一早對溫文樂芳心暗許。 
可惜一直以黎，溫文樂都顯得唔嗲唔吊。 
於是，佢就藉住查案，希望可以接觸呢個男人。 

"到底幾時溫文樂個衰人先會發現我架..." 
呢個係呂芷晴一直收藏係心底既問題。 

Hugo對溫文樂既轉態同樣覺得不可思異。 
佢極度懷疑係自己飲醉左而產生既幻覺， 
佢決定去個洗手間，同時避開做電燈膽既尷尬時間。 

"芷晴，你冇事嗎？"溫文樂溫柔地問。 





"我..好頭暈..."芷晴似乎因為太高興，飲得太多。 

"我送你番去啦。"