《單戀的故事》: Ch.2

那天，我還未為她動心，還未發掘到她的優點，還未注視過她。

「你覺得世界有冇純友誼？」認識不久的她向我詢問。

「世上無奇不有，我諗應該有嘅。」當時我漫不經心地回答。

「咁我哋算唔算純友誼？」

「我哋？你想嘅我哋都可以係㗎！」我隨意地說。



「你話㗎，咁由今日開始，我哋就係最好朋友！喂，一世朋友呢個Title，你唔準反口唔認㗎。」

「得啦，我一定認。」

好像從那時開始，我們變得密不可分，使我慢慢地愛上她，可是，已經為時已晚，所以我唯有把心意隱藏，不讓她察覺到。

絕對不能，令她發現。

「喂！諗咩諗到出曬神？ 我要提示啊！你肯講未啊？」她依然死心不息。



我只好努力轉移話題，避免她追問。

「唔好講我住先，你又點啊，有男朋友未先？洗唔洗我過你幾招先？話曬我曾經都係愛情大師㗎。」

「原先仲打算穩定啲先講添......好啦！見你係我最好朋友，就第一個話你知啦！

我呢，終於有人要啦！我比啲相你睇啊，佢叫Harry，幾錫我㗎，同佢一齊好自在好開心，不過我哋都係開始無耐，仲係互相了解緊，但經過上次經歷，我想安定落嚟，唔想再等，唔想再心碎。

我想，認真咁同佢過成世。」



她對住Harry的相片甜笑，她，找到了Mr.Right，可是，我只能成為站在她的Right Hand side，而非伴隨一輩子的人。

我一下子腦袋空白一片，即使早已有着「她會拍拖」的思想準備，可是此時此刻，我的心臟就如被人狠狠撕開，明明我也暗中守護了你六年，為何你不曾注視過我？

明明我如此努力，為何那人不是我？

明明我僅是單戀，為何我有着失戀般的心碎？

難道與我相處不自在嗎？不快樂嗎？不想......成為我的女友嗎？

可惜，我仍然說不出口。