《單戀的故事》: Ch.8

正當彼此爭執之時，他的男友居然牽着第三者從大廈中步出來，我偷看她一眼，她刻意緊閉自己雙眼，意圖避免自己受更大傷害。

你能避過一時半刻，難道又能逃避一輩子嗎？你只是在逃避面對真心。

真正要放棄他的心意。

我下定決心，為她作了決定。

我無視她的反抗，不顧一切地與她男友對質。



他的第一反應很慌張，可是看到我以後，突然安心過來，氣定神閒地對我倆道：「真係太好啦，原來你都有新歡啦，早講嘛，咁我都安心少少，無咁內疚。

唉其實你都知啦，最近大家都開始唔知點行落去，好似見唔到未來，而我又開始對你無Feel，我見你都無咩心機去維繫呢段感情啦，不過又怕當面親口講會hurt到你啦，而且又擔心你會誤會我係因為識咗另一個而分手，咁所以咪一直唔講囉。

而加見到你又有伴，又當口講清楚，哇，我個心真係舒服曬。」

她的臉色非常難看，我一時之間亦不知如何應對。

她開口了，更突然對我十指緊扣，而且面帶微笑向他表示：「嗯，既然大家都清楚對方心意就最好啦，我哋......



分手啦。

單位入面嘅嘢我會盡快清走，我都唔想阻你同新女朋友相處，咁......我而加走啦，你一定要同下一個幸福。」

「得啦，慢慢唔洗急，你明白事理就最好，你都要同呢位男士相親相愛！佢睇上嚟好睇過我好多。

話時話我哋仲可以做朋友？雖然我哋做唔上戀人好可惜，但你係一位好好嘅良朋知己，所以我想同你keep contact 。你唔介意？」他的神情顯得特別認真，絶無半點諷刺意思，不過，既然都分手了，為何還要繼續保持友好關係？不怕女友呷醋？不怕她會憶起往事嗎？

可憐的她，堅強地撐起嘴角，爽快地答應：「好啊，做朋友都好，你放心，我一定會同男朋友好好。」話音剛落，她便拖住我頭也不回地離開。



然後，再次陷入崩潰狀況。