《單戀的故事》: Ch.14

倏地，人群傳來一陣騷動，打斷他的説話，一把既陌生又熟悉的聲音說道：「多謝各位朋友嘅支持......」

好奇心的驅使下，我先無視Harry的分手宣言，先拖著他上去觀賞，可是我的身子不夠高，難以看到該表演人士。

而那人繼續發言：「真係無諗過大家嘅熱烈捧場，今日，就係我最後嘅表演日。」

群眾都在大喊：「唔制啊！你唱歌令人咁有共嗚！唔想再聽到班大嬸唱歌！」

「短短三個月，就可以得到你哋嘅讚賞，的確係我榮幸，有好多朋友問我點解突然出嚟唱歌。



之前我一直避而不談，而今日，我想講一個故事比大家聽。

唔知各位係有生之年所遇嘅人之中，邊一位令你哋最深印象呢？

人真係一個好奇怪嘅生物，得唔到嘅嘢往往係最令人回味、追求。

可能就係因為咁，所以我先暗戀咗六年嘅朋友。」

全場震驚得無人吭聲。



他逕自講述故事：

「我都唔明白自己點解會對佢咁迷戀，但所有女仔都無法令我產生愛意，唯獨佢一個可以，令曾經對愛情失去信心嘅我，重拾戀愛感覺。

然而，得知佢拍拖嘅消息，簡直係比死更難受。

所以我決定unfollow 曬關於佢嘅所有事，我唔想再知道佢嘅事，但最後，我捨棄唔到自己對佢嘅情感。

我記得佢曾經話過，玩音樂嘅人好Charm，所以我特登去學音樂，幻想、妄想佢有一日會行過，會因為我而動心。



而我，亦為自己嘅無知付出定下最後期限，如果係三個月後，即係今日之內，佢都揾我，我就當無識過佢。

點解係今日？因為，今日係我同佢認識嘅第九年，亦係九年前第一日相識對方。

遺憾地，佢無揾過我，一日都無，足以證明，我係佢心目中嘅地位，其實都唔重要。」

當中有人發問：「咁點解六年都唔表白喎？」

他無奈地回應：「因為當我鐘意佢，佢已經話我哋係一世朋友，所以我情願係佢身邊守候，話唔定，有一日，佢會改變睇法。

距離今晚結束仲有四個鐘，或者你而加，同緊男朋友一齊，但我好想話你知，係呢一分，呢一秒，有一個人，暗戀咗你七年。

講咁多，或者大家都悶啦。直接用歌聲、歌詞去唱出我六年嘅聲音，各位朋友，今日所揀選嘅歌，亦最後一首，就係

張敬軒—春秋。」



不會吧？不會是他吧？他喜歡上我整整六年？可是我......


Harry打斷我的思緒：「我明白佢。」

「吓？」

「我對你有好感，但我未去到可以愛你而忘記前度嘅地步，同你一齊嘅每分每秒，只係令我更加掛住佢......

難道怪罪神沒有更偽善的祝福

你嘅一舉一動都令我回憶起以前拍拖嘅回憶，心入面係度諗，如果係佢，會唔會有一樣嘅反應？

我沒有為你傷春悲秋不配有憾事



我唔想當你係代替品，佢就係佢，你就係你，但過咗呢三個月，我發現我嘅愛，只可以分比一個人，我個心好細，容唔落咁多人......

你沒有共我踏過萬里 不夠戲情延續故事

當時嘅給現任的信，本來係打算鼓勵自己，以及多謝未來嘅現任肯比自己機會。

但我唔敢比你睇，我唔配。

你好好，但我唔配你對我嘅好，係我唔愛你，對唔住。」

那一線眼淚欠大志 太無意思

他的歌聲有極大感染力，恍如在訴說他對我的迷戀、Harry對前度的愛意、我對Harry的錯愛。



我們仨人，都跌入圈套，名為單戀的圈套。

如果愛你沒有意義 這眼淚無從安置