「如果當日我有好好考慮清楚,就唔會搞到今日嘅地步,我有努力去鐘意你,但始終都係忘記唔到佢......我知我講幾多次sorry都無用,但除咗道歉,我已經唔知可以點做。」Harry打破我的思緒。

「你可唔可以比多次機會我?我唔介意等你,我曾經同一位朋友講過自己只會最多暗戀人一年,不過,當我遇上你之後,已經完完全全咁愛上咗你。

我真係唔介意,因為我真係好鐘意好鐘意你。」我放下自尊,請求他的答覆。

「多謝你咁鐘意我,但......我真係唔知自己幾時先放底到佢,我唔想浪費你時間,你值得更好。」

「你已經係我最好啦。不過我都明白你要時間思考,咁我走先啦。」我擔憂他會即時拒絕我,由於馬上離開,希望他能細心考慮。



而且,如今也有更重要的事宜需要處理。

這次,換我說對不起。

你這傻瓜,怎麼能默默暗戀我六年?
假如你能早點向我表白心聲,假如我能早點察覺得到,假如我們沒有錯過對方,也許今時今日,彼此經已慶祝六週年紀念日,可惜,此時此刻,我心裏已容不下你。

曾幾何時,我同樣傾心於你。

你還記得嗎?



九年前,我們邂逅的日子。

你突如其來的出現,打亂我的生活節奏,你的無微不至、關懷備至,使我漸漸從情傷的陰霾下走出來,亦令我慢慢地對你產生情愫。

可是,你對愛情的價值觀與我截然不同,你所追求的三個月拍拖快感,而我卻渴求一生一世的堅定諾言。


所以,我默默把喜歡你的情感埋藏,假如有天,我察覺到你願意對感情變得認真,也許我會主動表白,或許有天,你意識到我的真心真意,我同樣會主動告知。



不過,我的堅持也有限度,當時的我制定自己只能喜歡他一年,之後便要放下情感,僅做好異性朋友的本份。

眼看一年的大限將至,難道他注意不到我對他的付出嗎?難道他只當作我為普通朋友?難道世上存在男女純友誼?

於是,我決意暗示他:「你覺得世界有冇純友誼?」

「世上無奇不有,我諗應該有嘅。」

他算是拒絕我嗎?

「咁我哋算唔算純友誼?」我主動追問。

「我哋?你想嘅我哋都可以係㗎!」

看來,彼此還是沒有緣份相愛,既然無法成為伴侶,我們,便當一對純友誼的異性朋友吧。



「你話㗎,咁由今日開始,我哋就係最好朋友!喂,一世朋友呢個Title,你唔準反口唔認㗎。」我笑著,亦泛淚。

(各位抱歉,最近有事務要處理,所以出文速度會減慢,雖然唔肯定有冇追看嘅讀者,但都希望作出交代,多謝各位支持!)
已有 0 人追稿