講真, 

我同我幾個朋友都係寡佬, 

雖則有幾個係偽毒, 

但我地都係會成日一齊食野一齊玩, 

聽落好「基」, 





但我地既兄弟情真係堅過石堅。 


既然咁好感情, 

二零一二年既最後一日又點會唔一齊過呀? 

係咪?






「喂,不如食糖水,好冇?」 

「哇屌你,又食?」 

「乜野"又"呀!食喇!」 


冇錯, 

提議食糖水果個又係我。 






醉翁之意不在酒, 
我食糖水都唔係為左「西米露」、「紫米露」、「湯圓」, 

我都只不過係想撞下彩, 
睇下佢今日會唔會番工姐。


估都估唔到, 

你真係唔會估到, 
因為我都估唔到; 

「糖水姐姐」竟然有番工? 






二零一二年最後一日, 
我坐係糖水鋪入面, 
坐係一張可以望到糖水姐姐既木台度, 
食緊一碗完全唔夠糖水姐姐既笑容甜既甜湯。