我：「不如比你電話我呀？」: 8

果一晚， 
我唔知點解好想同佢打開話匣子， 

唔係果種 

「＄５４。」 

「拿。」 

「找錢。」 






你明唔明呀？ 


我想借住二零一二最後一日， 

同佢講句「新年快樂」咋， 

你明唔明呀？？？要講新年快樂， 




就要過十二點， 
係咪？ 


可惜我地太早入座， 
點頂到十二點呀！！！！！ 


我望住我碗糖水， 
我已經將一碗價值二十元既糖水食到好似飲緊星巴克既咖啡咁喇！！！ 





姐係點？ 
乜你未見過啲人要將杯「Tall」size既咖啡飲成兩粒鐘， 
為既係要坐係星巴克度享受係暗暗既燈光下溫書咩？

儘管我食得真係好慢好慢， 
但時間唔會因為我而過得快啲。 

我真係好想同佢講句野呀！！ 

所以我只能夠戇居居咁嗌多個糖不甩， 

等到過左十二點之時， 

我就可以係埋單果時， 




走去坐係收銀既佢面前， 
講聲「新年快樂」。


係我拖緊時間， 
食緊糖不甩既時候， 
坐緊係收銀既糖水姐姐竟然走鬼左去後面落單傳糖水， 
換左一個男人坐收銀。 

大佬， 
我比多十幾蚊就係為左可以係比錢果時同糖水姐姐講句野姐， 
你係咪玩鳩我呀。 

新一年，新開始。 





呃我既。 



「五，四，三，二，一。」 

「新年快樂！！！」 

細細間既糖水鋪， 
因為二零一三年既來臨而變得更加熱鬧， 

而我， 
只有失望。