我：「不如比你電話我呀？」: 11

有一次， 
係我食完野番屋企既時候， 


真係好好彩， 

比我發現左原來佢係會係巴士站度等車。 







果時咁夜， 
我諗佢應該都係番屋企掛。 

好可惜， 
果時， 
我同班朋友一齊行緊， 
又唔敢咁唐突咁走埋去； 

我就只好默默咁記住佢曾經係喱個巴士站出現， 
希望佢會再出現。






有時， 
有啲野真係唔知好過知。 

因為當你知道左之後， 
你一定會千方百計咁嘗試去做你想做既野。 


就係知道左佢會係巴士站出現之後， 




就係一次偶然之下， 

我同班朋友係七仔行出黎果時， 
就正正係佢收工既時候， 

佢急急腳咁行過， 

我望住佢， 
我諗佢感覺到有人望佢， 
之後抬頭望番我， 

我感覺到我地之間有零點五秒既眼神交流。 


又係喱啲自以為是既錯覺， 




令我不能自拔。


「我想去識佢喎。」 

「想做咪去囉。」 


想做就去。 

其實喱句不嬲都係我做人既宗旨。 


就係咁， 
我係我啲朋友既鼓勵之下， 




我就向住巴士站既方向走。