我：「不如比你電話我呀？」: 12

果然不出我所料， 
佢真係等緊巴士。 

係行緊去巴士站果時， 
其實我腦海真係一片空白， 
完全冇諗到用咩開場白， 
點野聊佢講野； 

當我望到佢等緊巴士既時候， 
我真係唔知做乜好。

係喱個時候， 
我決定比少少空間自己諗下應該點做好。 

我行左去佢等緊既站旁邊既果啲站牌度扮睇下巴士線， 
一度轉果個巴士線既牌， 
一度諗， 
一度轉又一度諗。 






終於， 
我知道我應該停止喱個咁扮野既動作。 

我決左企係一邊， 

同佢相差大概五步既距離。

其實係我一度扮睇巴士線既時候， 
我一直都有偷偷地留意佢做緊啲乜； 





佢係度搵散紙， 
之後又係我企埋一邊既時候行去睇巴士線個牌， 
我估計佢應該係查緊搭果架車要幾錢。 

當佢睇完站牌， 
行番去等車果時， 
我對眼就跟住佢行既路線一直咁望， 

之後， 

就造就左一個四目交投既時間。


當我地對望緊既時候， 





我見到佢隻手輕輕咁提起左， 

向我揮一揮手。 

！！！！！！？？？？？？？ 

佢主動同我打招呼喎。 




係果一刻， 
我決定勇敢啲， 
我行前左幾步， 
走左去佢既旁邊； 






「辛苦哂。」 

「下，咩辛苦？」 

「你岩岩先收工，唔辛苦咩？」 


係， 
就係咁我同佢就係巴士站度傾計。 



「你搭咩車番屋企嫁？」 





「我搭ＸＸＸ架。」 

為左令我係巴士站出現喱件事情合理化， 
我就對佢講左個大話。 


係等巴士既十分鐘左右， 
我地都傾左幾多野， 
我覺得佢都幾好傾， 
同我一開始覺得佢好冷酷既感覺完全唔同。 


好好彩地， 
佢架巴士早過我「果架」黎， 




我同佢講左聲拜拜， 
望住佢既背影， 
上左巴士， 
行上上層， 

直至架巴士駛走， 

我都仲記得好清楚。


終於， 

終於有一次比較長同完整既對話。 


係佢走左之後， 
我就梗係走啦， 
唔通仲等巴士咩？ 


我即刻走去同我班朋友報告， 
佢地格住條馬路已經見到我「四萬咁口」， 
唔洗問都知我算叫做踏出左成功既第一步。 


「咁你有冇拎佢電話？」 

「冇呀屌。」 


我真係冇拎佢電話。 

一　我好淆。 
二　第一次傾計就拎電話又好似太進取。 
三　其實一切都黎得好突然。 


不過如果我真係想認識佢既話， 
拎電話又真係一個無可避免既階段， 
問題只在乎遲拎還是早拎。