《印度 · 尋油 · 台灣妹》: 《十》

一波未平，一波又起，今次印度之旅全程由花仔強負責，我一啲都無參與，記得尋晚出機場有問過佢酒店叫咩名 ，但條死仔無答，去到酒店又留意。 


我尷尷尬尬咁問 Priscilla，問佢記唔記得我地間酒店叫咩名，佢搖搖頭咁講 


「我不記得哪，什麼事？」 


「沒事，只是我也不記得，哈哈」我苦笑咁話 




今鋪仲唔大檸樂，原本開開心心攪到咁，我都要負上一部分責任，於是我同 Priscilla 講 


「對不起，弄到這樣子！」 我舉起右手作勢 "沙冧" 


「你右手受了傷！」Priscilla 見到我右手臂流血就好緊張咁講 




「小事一樁，不用擔心！」我望一望就話 


流血唔緊要，唔死得人，但係搵唔番花仔，就麻煩過搵嫲嫲撚飯喇！ 


啊！！ 




咪住，可以試下 Whatsapp 喎！！！ 


我再次攞出手機，開啟Wifi，等咗一陣，有一個訊號可以用，不過要密碼，我行到櫃檯問個職員，可唔可以借Wifi一用，佢話只可以提供俾住客用，多麽孤寒噢！ 


"同 Priscilla 一齊出去，又驚撞番嗰兩條友，依家又聯絡唔到花仔，今晚此終都要搵個地方落腳，我唔瞓，Priscilla 都要喇！" 我心諗


肉隨針板上，我死死地氣同個職員講，話要兩間單人房，正要攞出銀包比錢，Priscilla 突然面紅紅咁講 


「我怕一個人 …… 可不可以同一房間嗎？」 




我即時呆一呆，然後就話 


「吓？」 


「你是好人，你不會做什麼的！」Priscilla 含羞答答咁講 


咩話！邊有唔食肉嘅狼㗎，我自己都信唔過自己啦，妳竟然咁信我！ 


"呀呀呀 …… 㗅 ~ " 一頭人狼正在叫喊着 




當然我呢刻無流露出嚟啦！妳既然咁主動，咁我咪同職員講，改為一房兩床囉，點知個職員用好堅定嘅眼神同我講 


「SORRY SIR，WE JUST HAVE ONE ROOM & ONE BED ONLY 」 


哦！咁荀 ！！ 


Priscilla 聽到之後，側一側面無講嘢，咁嘅環境，我唯有扮晒君子咁同佢講 


「沒關係，我睡沙發便成！」瞓梳化幾咁可憐呀，呢場戲導演唔嗌CUT，我仍然要繼續演落去 




跟住比錢，攪完手續，職員遞上鎖匙同一個正正方方嘅嘢，睇清楚，OMG ~ 竟然係避孕套，仲要係印度版，我啱唔啱 Size 㗎？ 


我抬頭望住個職員，佢無講嘢，我轉身就行。 


心裡無言感激！！