《印度 · 尋油 · 台灣妹》: 《十一》

呢間酒店得三層高，由地下行上二樓，其實都係短短幾分鐘時間，唔知咩原因，由我攞起鎖匙（避孕套）果刻開始，我就進入咗異度空間咁，個人飄飄然，個心噗噗跳，我唔怕話比你地知，我係未試過 “一晚企“，吹咩！我知我可能諗多咗，但係有得諗，仲有可能發生，做過準備都好吖！ 


終於番嚟現實，入到房，開燈一睇，間房簡簡單單，乾乾淨淨，但啲燈光就比較怪，係暗紫色，行前再兩步，哦！成個浴室竟然都係磨沙玻璃，唔通 ………… 我地誤打誤撞入咗間係情侶酒店？ 


我扮晒乜都唔知，咩都睇唔到，坐咗响梳化度，嘗試用 Whatsapp 聯絡花仔，但佢 Whatsapp 畫面上顯示最後時間為今早 0937，即係依家花仔唔係線上，咁唯有發個離線訊息 


"花仔，我同 Priscilla 都好安全，但唔記得酒店名同地址，見字即覆！" 




發出訊息後，Priscilla 坐咗响床邊，心不在焉咁，孤男寡女共處一室，邊個蝕底都未知，成晚無食野，我估 Priscilla 一定好肚餓，就問佢 


「Priscilla，妳要不要食一點東西？」 


「不用，謝謝！」Priscilla 害羞咁話 




口裡說不，肚子最老實，同一時間，Priscilla 嗰肚傳嚟 


"咕嚕 ~ 咕嚕 ~" 


佢即時望住我，跟住一齊笑起上嚟，於是我就打比服務台，叫咗兩份晚餐。 




肚餓果陣，食咩都好味，晚餐過後，我再次攞起手機一睇，時間已經十點幾，仍然無花仔嘅消息，開始有啲擔心花仔佢地，不過，以佢嘅能力，應該無事嘅，睇嚟今晚都要响酒店過一晚。 


正所謂 "飽暖思床褥"，今日發生咗咁多事，成身爛臭汗，好想沖過涼，然後 ………… 瞓覺，我就同 Priscilla 講 


「Priscilla，時間已經晚了！妳先洗澡吧！」 


「不過 ……………………」 Priscilla 一邊講，一邊不經意咁望向浴室 


「妳不用擔心！我一定不會偷看的！」我擺出一副誠懇樣咁講 




「好，我相信妳！」Priscilla 講完之後，就起身入咗浴室，而我亦隨即轉身背向浴室。 


沙 ~ 沙 ~ 沙聲響過不停，滿佈蒸氣嘅浴室，全身赤裸嘅 Priscilla 正在沐浴更衣，啲水由頭開始慢慢流落乳溝，再到 …………，夠喇！相隔幾米距離，我竟然真係坐咗响度，仲要背向添，簡直係挑戰一個血氣方剛男子嘅極限，但係我講過唔會偷睇，無奶油反口咁衰仔嘅。 


有專家指出 "女生沖涼所需嘅時間，係有半場足球賽事咁多" ，對於以上呢個論句，我係絕對認同嘅，因為我足足坐咗响梳化半個鐘以上，我覺得自己係有足夠資格去申請健力士世界紀錄。 


等下又等，我繼續擔天望地咁等，突然比我發現到一樣野，就係响我左手邊位置，梳妝枱上果塊鏡，佢唔係一塊普通嘅鏡，係一塊照妖鏡，照到浴室嘅魔鏡！ 


神魔大戰一觸即發，扮晒正人君子嘅我，一動不動，其實只要我慢慢向左傾，扮唔小心，雙眼就可以清楚睇到鏡內嘅情況，即係哈利波特入面果間 "出煙的浴室" ！我迫自己唔好亂咁諗嘢，於是合埋雙眼，但係咸濕嘅魔鬼無放過我，不停响耳邊講 




「睇吓啦，文西！睇吓啦，扮咩啫，睇吓啦，仆街 …… 」 


我內心不斷爭扎，佔盡上風嘅魔鬼竟然以一記右勾拳，重重將天使擊倒，跟住佢迫我張開雙眼，我想反抗，但唔成功，天呀，天呀！ 


點知我開眼見到嘅係 ..........