《印度 · 尋油 · 台灣妹》: 《十五》

由地獄行番入房，見到花仔仍然大被冚過頭，郁都唔郁，我扮晒無事發生過，行咗去佢床邊，佢响被度伸咗個頭出嚟，嘩 ~ 個樣仲慘過我咁，我忍唔住問佢究竟發生咗啲咩事，隔咗一陣，佢用好空洞嘅眼神望住我，然後好驚驚青青咁話 


「好…… 撚得人 …… 驚啊！」 


「咩事啫？你講比我聽，我先可以幫到你㗎！」 


「我 …… 唔想再記起 …… ，唔好迫我啦！」花仔仍然一面驚慌咁話 




「OKOK，唔迫你，不如你慢慢講！」我嘗試安慰傷者 


又隔咗陣，佢又自言自語咁話 


「好…… 撚恐怖吖！啊 ……………… 好…… 好好平，好平 ……」 




「吓？你噏乜春呀？」我就嚟忍唔住想炳佢 


「我 ………… 尋晚比外星人強姦咗 …… 嗚嗚嗚」花仔無啦啦講咗句 


「？？ 你冷靜啲先 …… 」 




「係佢吖 …… 個死人台灣妹 …… 」花仔終於講出咩事 


「Heidi？究竟發生咩事？你快啲一五一十講晒出嚟！」所有嘅迷即將解開 


「嗚嗚 …… 尋晚我同 Heidi 番到酒店，你都知，英雄救美喎，我緊係諗住食番餐豐富嘅台灣菜啦，禮貌上送到佢番房，响門口，佢已經好主動咁錫我，心諗 


“今次無死喇！“ 


一入到去，大家涼都唔沖，就碌咗上床，一邊打車輪，一邊除衫，一切嚟得好自然，佢除淨個爸爸，我就露出一身肌肉，錫到咁上下，我咪解鬼埋佢爸爸囉，好正常吖！點知 …… 嗚嗚！ 」 




「點知咩？慢慢講」跟住我輕輕拍一拍佢膊頭 


「點知 …… 恐怖嘅事情就發生喇，兩舊唔知係砵仔糕定馬豆糕嘅物體跌咗响地，擲地有聲，睇清楚啲， 


嘩 ~ 


响我眼前嘅 Heidi 無端端變咗平胸星人，我係咪發惡夢啊！外星人襲地球吖 …… 我見到唔對路，咪話有事想走先囉，嗚嗚 …… 佢唔知係咪受到刺激 ，即刻進化成平胸撒亞人咁，又爪又咬又揸，完全唔當我係人，我係咁嗌唔好，仲想 send 訊息比你，但係 …… 我 ............ 攞唔到個電話吖，嗚嗚 …… 比佢強姦咗我成晚，支火箭升完又降，降完又升，我好亂，已經亂到數唔清做咗幾多次喇，嗚嗚 …… 佢都唔肯比我走啊，直至天光佢瞓着咗，我先偷偷地走出嚟咋，嗚嗚 …… 仆佢個街！！」 


「估唔到 Heidi 斯斯文文，戰鬥力咁強，不過，你都唔抵可憐㗎喇，食得女多終遇虎，依家報應吖！哈哈哈 ……」 




「仲笑！你條仆街無啲同情心嘅！嗚嗚嗚 ……」 


「嘩哈哈哈哈 ……」 


大笑過後，失落嘅情感又再湧出嚟，我又變得悶悶不樂，隨手搵啲野做下，咪諗住响褸袋度攞支神油出嚟，放番落個行李箱度，點知搵極都無，仆街喇！唔通跌咗？我問花仔有無見過一支細細地嘅樽，啡啡地色嘅，佢問我咩嚟，我咪話 


「《印度神油》囉！幫老頂買㗎！」 


「《印度神油》？你幾時買㗎？」花仔好疑惑咁問 




「咪尋日同你地行香料舖果時買囉，唔見咗又要搵過，麻叉煩！」我忟到爆咁話 


「吓！印度神油响香料鋪買？咪撚玩啦！」花仔講 


「唔係去邊度買呀？」 


「哈 ~ 你真定假啊！你究竟知唔知咩係《印度神油》㗎？」花仔開始忍唔住笑起上嚟 


「知，咪調味料囉！」我諗都唔諗就答 




「調味料？我屌你老鼠，嘩哈哈哈哈哈哈 …… 係想笑撚死我，哈哈哈 ………… 性藥嚟㗎，白痴仔！」花仔大大聲恥笑我


「……………………………………………………………………」


「哈 …… 哈，好彩你唔見咗咋，如果你真係攞支香料比佢，佢一係打撚死你，一係炒撚咗你！」花仔繼續講 


「咁 …… 响邊度有得買呀？佢話過我買唔到，會攪我個小菊花㗎！」我開始有啲擔心 


「咁仆街，好！一場兄弟，為咗你個後欄，我點都同你死支番嚟！」花仔個頭上忽然多咗個光環 


「好兄弟，咁我地依家應該點做好呢？」 


「尋晚發生咗後巷件事，已經打亂晒我地嘅行程，既然係咁，我依家唯有改用B計劃？」花仔突然好認真咁講 


「B計畫？」