《印度 · 尋油 · 台灣妹》: 《十六》

「長官，乜野係B計劃啊？」我心急咁問 


「今次印度之旅，表面上係嚟參觀旅遊，雖則我地暫時只係去過阿克薩達姆神廟同 Paharganj 市集，你早兩日問過我今次嚟印度嘅目的做乜，我唔答你係因為當時時機未成熟，但係依家計劃有變，我唯有話你知，我實際上嘅目的就係 ~~~ "食好嘢"，你會問印度有咩好嘢食，薄餅？咖哩？定係 …… ，錯晒！！嚟印度緊係食 ~~~ 印度西施啦！」花仔正詳細解釋 


「長官，印度西施即係 ……？」我開始覺得唔對路 


「呢位隊員，無錯！你估啱咗喇！今次印度之旅嘅終極目的就係 "叫雞"，文雅啲講即係嫖妓！」花仔好興奮咁講 




「死仔，你係咪尋晚比人姦到傻咗啊，專登嚟印度叫雞，你無野呀？！」 


「嗱嗱嗱 …… 呢位隊員，請你尊重啲呀！如果有一日有人問你，除咗港女之外，有無食過咩國籍嘅女仔，你最多咪答台灣妹，大陸妹，日本妹 …… ，無嚟新意，但係你答話你食過印度西施，幾咁特別，幾咁光榮啊！印度西施喎，幾威吖！」 


「你真係食女食到上咗腦喇，咁都比你諗到，我無咁好心情同你去呢啲地方，真係服咗你，又話尋日比女姦完，依家忽然又咁好精力話去食西施，你都得㗎喇。」 




「呢位隊員，正所謂女死女還在，成間餐廳咁大，食唔到台灣菜，咪試吓地道嘅印度菜囉，最、最、最重要係依家我係為咗你先深入虎穴咋，你估唔危險㗎，仲話我，好心無好報！」 


「為咗我？你都黐㗎，關我叉事呀？」 


「如果我唔去搵印度西施，點樣幫你搵真正嘅印度神油啊！線索嚟㗎，你估我係多拉A夢呀，有百寶袋識變出嚟！」




「我唔理你講咩都好，我最多都係陪你去㗎啫，叫就唔洗預我。」


「哈哈哈 …… 去到咪睇吓先囉，唔駛咁早講定話唔叫嘅，可能有好嘢呢！呵呵 ……」花仔笑淫淫咁講 


「仆街喇你，費事理你！」講完我就行咗去窗口，漫無目的咁向窗外望，世事就係橋，我隱約見到 Priscilla 同 Heidi 正拖住行李離開大堂，呢一刻我好想發洩一直藏响心底嘅果種不快，用盡九牛二虎之氣力大叫 


「Priscilla，我一定會過去台灣找妳！」 


好可惜距離太遠嘅關係，Priscilla 應該聽唔到，亦無留意到我，上咗車就離開咗。 




花仔行過嚟拍一拍我膊頭，佢無出聲，淨係企响度同我一齊望，做兄弟嘅盡在不言中！ 


望住架車慢慢咁消失，我同 Priscilla 嘅嘢亦都暫告一段落， 呢一刻你叫我去睇寺、恆河，我都只會係一個無靈魂嘅軀體，寧願响酒店hea多一兩日，既然係咁，根本無得選擇，唯有跟花仔去睇下，至少搵到支神油，起碼有個交代，菊花仔唔駛受罪先。 


企企下，花仔就行咗去行李箱度搵嘢，摷啊摷，終於比佢搵到本記事簿，跟住佢攞起房嗰電話，唔知打比邊個，一邊講，一邊寫，收咗線之後，佢就同我講 


「已經搵到人帶路，對錶，依家係四點十九分，休息一陣，準時五點十五分出發！」 


「長官，咁我地嘅目的地係邊啊？」我就問 




「Paharganj！」花仔望住我講 


「吓！Paharganj？」我完全唔能夠相信自己對耳朵 


「無錯！就係尋晚瀨嘢果度！」花仔好認真咁講