《印度 · 尋油 · 台灣妹》: 《十八》

呢個鬼異嘅領域入面，格局都係一冠陰陰沉沉，同我去過深圳揼骨嘅差唔多（我當然係去揼正骨啦！），我同花仔被分配到兩間房，房間唔算好大，放咗一張床同一個櫃仔，燈光暗暗地，盡頭就係廁所，開門一睇，裏面竟然有一個小型蒸氣室，大概可以容納兩個人嘅空間， 真係估佢唔到，旁邊有一個企缸，望落去環境都算乾淨。 


其實我真係無乜心情嚟呢啲地方，叫做陪花仔嚟見識下，揼個正骨算（之前講過兩次喇！），入廟前都要除鞋先可以拜神啦，入到骨場先沖涼後揼骨，常識嚟㗎喇，所以我就沖定過靚涼晾乾水，但係…… 唔知點解反轉成間房，都搵唔到一條褲形嘅物體，淨係得一條長方形嘅布，一隻手掌咁闊，又唔係玩 SM 用，雖則自己唔係好大碌，但係塊布真係唔知遮得啲乜。 


正喺我苦腦緊點遮果陣，忽然有位女職員推門入嚟，嚇到我咩都縮埋，一個轉身就露出一輪明月，嗰位女職員二十零歲，樣貌普普通通，一般印度女性模樣，見我咁大反應，就笑一笑，跟住將手上嘅樽放低，再上前揸住果條死人布，好純熟咁响我身上包咗條褲，望落去成個瘦版相撲手咁，攪到我異常尷尬，之後佢示意我趴响張床落等一陣，就走咗出去。 


漫無目的咁等，加上尋晚成晚望住 Priscilla 無瞓，等等下，我都瞓着咗，唔記得過咗幾耐，只係知道瞓瞓下發覺有人將啲暖笠笠嘅液體倒落我背脊，之後就到頭、頸、雙手、雙腳，基本上除咗碌蕉之外，依家全身都係果啲液體，成身黐立立，周身唔自在，呢一刻，我覺得自己好似入咗去 <恐怖蠟像館> 咁，任人愚辱。 




過多一陣，一雙強而有力嘅手，不停响我背脊游走，進擊我每一寸肌膚，間中又會响月球上奔馳，果種感覺 …… 唔 …… 又出奇地舒服喎，唔怪之得 Ankit 極力推介，有別於中式按摩，爽吖！ 


基於我全程都係趴响張床度，視線只係得床頭位果個窿望落地咁上下，所以直到呢刻，我仍然未見過技師係咩樣，雖則我係嚟揼正骨，手勢好先係主打，但係加埋樣靚，成件事就完美好多，我咁諗好正常吖。 


個人一得閒，個腦就會胡思亂想，諗諗下 Priscilla，突然又會轉台，諗咗第二啲野，究竟個技師靚唔靚呢？會唔會就係頭先差啲




個人一得閒，個腦就會胡思亂想，諗諗下 Priscilla，突然又會轉台，諗咗第二啲野，究竟個技師靚唔靚呢？會唔會就係頭先差啲比人睇全相果位女職員呢？ 


諗到咁上下，個技師終於行到我前面，開始按個頭同頸嘅位置（唔好心邪，係有眼耳口鼻果個頭），响昏暗嘅燈光下，我視線範圍只係隱約睇到佢對腳同一對黑色嘅鞋，我正嘗試抬頭一睹佢芳客之際 …… 


突然間，我聽到隔離房傳响一聲慘叫，把聲好熟，無幾耐，我度房門 “嘭“ 一聲打開，我嚇到成個人彈咗起身，一睇，响我面前係一個神色極度慌張兼且三魂唔見咗七拍嘅花仔強，我已經分唔清佢身上面果啲係油定係汗，只知道佢好似撞鬼咁，打晒冷震，雙手大大力扯住自己啲頭髮，仲不停咁咬住上唇，一定受咗啲咩打撃！ 




呢個咁嘅狀況，我好似見過一次 ………… 記得當年何其年輕，同花仔強去泰國玩，有晚落Bar溝咗條泰妹，都幾索㗎，飲飲下，條泰妹話去一去廁所，無耐花仔又跟住去，飲到貓貓地，一推開門，竟然發現條女企响度小解，仲面紅紅咁對住花仔微笑，之後拉番拉鏈，若無其事咁行番出去，花仔就嚇到依家咁樣 ..... 


望住花仔，我鼓起平生最大勇氣，轉身一睇， 


嘩嘩嘩嘩嘩嘩嘩嘩嘩嘩 ……