《印度 · 尋油 · 台灣妹》: 《二十》

我同花仔諗都唔諗開門即走，我拉一拉花仔反方向跑去人群，好彩唔算好夜，條街都仲有人，我地唔駛望都知道後面有人追緊嚟，後面班友係咁用啲印度話嗌，你嗌咩我都唔會停㗎喇，我同花仔好似玩緊閃避球咁，邊跑邊避，跑跑下，差唔多見到街尾，點知失驚無神殺出兩個高大衰，揸住碌木棍企咗响街尾，前無去路，後有精蟲，一停低就死緊，所以我同花仔好有默契咁， 一齊衝去街尾博一博，各自鎖定目標。 

响我前面嗰個大隻佬，個樣真係衰到不得了，四肢發達，見我跑近就木棍一揮，想一嘢打落我個頭度，我即時縮低避開，你不仁我不義，右手一個直拳，簡單直接打落佢 “細佬“ 度，爭取時間，速戰速決，見佢痛到跪地，左手補多一棍，「嘭」 一聲，個頭食到應一應，同一時間，花仔嗰個大隻佬亦都應聲倒地。 


攪掂兩件大舊衰，我地直奔去街尾，突然聽到一下響安，竟然見到 Ankit 架車停咗响左邊轉彎位，我地兩個連跑帶跳，起勢咁衝向 Ankit 架車度，一上車，Ankit 就踩盡地板油絕塵而去，Ankit 見我地兩個未回到氣就講 


「兩位老細，我咪叫咗你地聽到響安先好出嚟嘅，唔見你地，搵鬼死我吖！」 




「你條趴街 …… 仲好講，你估 …… 我地好想周圍走㗎，佢地殺到入嚟，唔走企 …… 响度比人劈呀！」花仔喘晒氣咁話


「算 ..... 啦，有驚無險咪得囉，你 ...... 又係嘅，攞車攞成二十分鐘，攪咗吖？」雖然最後 Ankit 都救咗我地，但我都想知點解咁遲，於是就問 


「老爺車撻唔著，我都無計，我唔啱！咁兩位老細仲想去邊呢？」Ankit 想轉個話題咁講 




「唔講由自可，一講把撚火，你頭先介紹嗰間乜春按摩，搵個鬍鬚勒突嘅麻甩佬同我地揼，女都無件，搽到我成身都係油，起晒雞皮，好似比人雞姦咁！」花仔壓抑多時嘅怒火要爆 


「老闆，印度按摩係搵男人揼㗎，乜唔爽咩？」Ankit 輕描淡寫咁話


「爽還爽，但我估唔到係咁啫，呢鋪算，我唔同你計，咪講咁多今晚仲有無印度西施先？」花仔好似中咗降咁，魔性難解 


「原本就有嘅，但係要去番 Paharganj，所以 …………」Ankit 




「吓，成個新德里得 Paharganj 先有？」花仔好夢成空，不禁大聲叫咗出嚟 


「咁又唔係，响 Garstin Bastion Road 都有，不過果度污糟邋遢得好緊要，啲印度男人睇啱就嚟，又啲連床都無張，得張墊褥，我估你地唔會有性趣 ……」Ankit 詳細咁解釋 


「…… 即係 “伯母“ 啦！咁打度回府食自己！」花仔非常無癮咁講 


世事嘅嘢往往就好似整定一樣，花仔一心諗住叫雞，點知神推鬼㧬去咗大隻佬按摩，就因為咁比尋日班人撞到，依家攪到無雞食之餘，錢又洗多咗，你話幾咁好笑吖！ 


花仔成隻死狗咁坐喺車度，我就暗自偷笑唔駛煩，點知 Ankit 突然彈咗句 




「咁又唔係 …………」