「佢地利用我引你上釣?」我問陸無窮。
「自從我上咗妳身後,我已經知道條路係自己揀,揀咗就冇得縮,一縮就會攬抄。一陣無論發生咩事,千祈唔好一個人走開,一定要跟實我。」陸無窮以堅定眼神看著我說。

我向陸無窮點頭示意,誰知下一秒有兩隻全身雪白的赤裸女鬼極速飆至他身旁,對方以手臂緊鎖他肩背和下盤,與此同時,在他上方突然出現一個雙眼發青光的碩大黑影,原來是一隻黑色陰靈正揮拳打向陸的頭頂位置。我欲高呼向他示警之際,喉嚨部位忽然被身後伸出來的鬼爪緊捏不放,指甲更深入頸部,一時間我不能呼吸。迷糊之間,我看見陸無窮全身向後發力狂抖,纏繞在他身上的兩隻赤裸女鬼馬上被撕成碎片,解決女鬼們後,他緊接向上揮拳與上方黑色陰靈的拳頭正面對撼,隨著轟隆一聲,陰靈被他從外硬生生搗破軀殼,立即化作一道黑煙。最後我才驚覺我的頸部一早已被解除掣肘,回復呼吸,原來他第一個幹掉的正是位於我身後的惡靈。

「任你六壬神功點樣強,都一樣雙拳難敵四手,我就睇下你地點走!」位於背後的男人說。我連忙緊隨陸無窮,走了一小段路後,腳踏位置突然伸出兩隻手捉緊我雙腿的腳跟,然後,一個小孩靈體衝前緊抱著我身軀,在前後夾擊之下,我馬上動彈不得,尖聲驚叫。此時位於前方的陸無窮猛然回頭向我出掌,然而落掌位置卻在我身上的靈體,準繩度高兼且施力正確無誤。可是那一掌卻拖延了整個逃亡的時間。剎那間,我們的四周一下子被惡靈重重包圍,但只見陸無窮雙手左右開弓,惡靈們被殺得片甲不留,前方馬上開了一條路出來,卻又有新鬼立即加入填補空缺。

四周包圍的惡靈數量愈來愈多,就在萬念俱灰之際,一道光芒劃破漆黑天際,光芒過後,前方不遠處站立了一個人影,他揮手示意我們走向他,原來他正是上次為我指點迷津的解籤人。陸無窮亦調整攻勢配合,很快我們便接近他所身處位置。
「你地向依個方向走,一路上千祈唔好回頭!」解籤人指著某個方位說。
「咁前輩你呢?」說話的人竟是陸無窮。




「我要封鎖一班惡鬼的來路!」解籤人說。
解籤人話畢後,雙手結了一個法印,前方的路頃刻變得光明和清晰。「快走!」陸無窮立即向我示意。

離開險境後,我們來到一個遍佈花草樹木的地方。「啱啱出現幫我地個位仁兄你認識嗎?點解你叫佢做前輩嘅?」我問陸無窮。
「佢身份唔講得,但正正就係佢引導我前來幫妳。」陸無窮說。
「你之前講過話自從上咗我身後,知道條路係你揀,揀咗就冇得縮,一縮就會攬抄,但其實你上次離開我個陣大可以置身事外,但你偏偏又再次返到我身邊,到底係為咩原因?唔通你想幫定邦?」我說。
「錯,我返來只係想幫妳。我發現原來我習慣咗同妳一齊生活的日子,依種感覺好難用說話去形容。」
「你其實係咪鍾意咗我?」我突然緊張起來,內心已分不清楚現實與夢境。