（喪屍故）末世: （10）解散！

如果係校長同The One一直勾結引喪屍入侵嘅話，到底目的係咩呢？

「為咗查清楚真相，我決定咗離開協記」我同剩返嘅兄弟講，阿宙同阿賢決定跟隨我外出，其餘阿Jack同David就留低，我哋決定咗解散

「沙..沙...」

「你部收音機做咩？」我問。

「聽節目囉......話時話我差啲唔記得聽」阿賢





「吓，香港變成咁仲有人做節目嫁咩！？」我問

「咁岩姐」阿賢

「姐係點......？」我問。

「聽住啦！」阿賢按下了開始制，

收音機一直冇發出聲音，突然間出現「咔擦咔擦──！」嘅聲音， 接著出現一把陰沉嘅男人聲。





「歡迎大家收聽《長命要訣》！我係你地既DJ，于文！今日天陰陰，彩虹一帶出現大量喪屍，各位出去探險既朋友要小心啦」

突然信號失去平均，跟住又收到信號


「聽聞有個富豪收埋咗好多食糧同飲用水，如果想攞到呢一啲物資，記住留意《長命要訣》，再見！」

接著收音機又回到沙沙的聲音。

我呆了又呆看著這台收音機......





「咩料......」我笑說。

阿賢撫摸著收音機：「因為呢部係短波收音機，所以一有信號就會接受得到，我當哂佢係寶！早兩日執返嚟嘅」

「哇！正喎！」David 大叫。

「好啦！唔好掛住我啦！」我同協記嘅各位兄弟姊妹講，之後就扮瀟灑咁頭也不回就走左去，差啲唔記得攞番啲物資，好彩有阿賢提下我。回頭偷望下我嘅前夢中情人，唔知點解，好想望多佢幾眼。

係李超人 ，最有影響力的商人，香港最有錢嘅人，憑著喺商場南征北討，戰無不勝攻無不克。李超人本身唔係善男信女，屯積兵器糧草財富，可能一早就知呢個社會將會淪為喪屍嘅遊樂場。自此即有傳言，能夠尋獲得『李氏寶庫』，可以長享安穩平安。