（喪屍故）末世: （11）The One偷襲!!
我哋知道彩虹有大量喪屍，我哋向黃大仙方向行，為咗唔好俾喪屍發現，本來半個鐘嘅路程，我哋行咗兩個幾鐘。
當進入到黃大仙一帶時，先發現大量喪屍喺竹園同黃大仙上邨活動，
我哋走了過去黃大仙中心後門
跟住我哋見到地下一樓商場的遠處有一個人影......他膚色較黑、身材瘦削、頭髮長至鼻前，遮住左眼，成個mk仔咁，係駿少
佢喺遠處對我哋揮手：「O仔，阿宙阿賢！好耐冇見啦」
呢一刻看著他不禁有些想笑嘅感覺，係.....好朋友好耐冇見，再次見面會想笑出嚟，佢係我哋嘅同學，喪屍病毒爆發嗰日，佢咁啱冇返學
「嗚咳咳......」
突然之間，寧靜的商場傳出一把咳嗽聲，
我哋喺後門示意駿少快啲過嚟，
阿宙：「喂粉腸，快啲啦！」
走廊右手面嘅廁所突然出現咗一個人影......唔係......係三個人影......唔係......佢哋係喪屍......
「跑！」阿賢大叫，
駿少即刻狂奔過來，而我都拎出行山杖準備好，隨時可以作戰，
但係已經太遲了......那三隻喪屍已經擋喺駿少前面。
駿少拎起斧頭衝向三隻喪屍，先劈開一隻喪屍的頸子，再將自己同喪屍嘅位置拉遠，再劈向另一隻。
兩隻喪屍倒地身亡，仲有一隻......但佢已經嚟唔切攻擊......我要去救他......！
我衝向最後一隻喪屍，握緊行山杖，往他頭上一刺！再用溜冰鞋嘅刀劏開佢條頸。
「嗚───！」喪屍倒地大叫，
他嘅慘叫聲令我哋感到一種不安嘅感覺
「駿少，出左商場先講！」我話。
「去邊度好？」阿宙問
「鳯德？」阿賢
「好，行啦」我
同駿少出來商場後，我哋再帶佢去到鳳德公園。
佢上氣不接下氣：「哇......其實岩岩真係好險......」
「你唔係驚血嫁咩......點解突然咁勇？」我問。
「唔知點解......除左殺變左喪屍既家人之外......殺第二啲喪屍反而唔驚！」佢自傲咁講
「你唔好咁自滿......你殺既喪屍佢地原本都有家人......」我話，
突然間我想起比我殺嘅喪屍唔會少過佢，我都係滿手鮮血...
「岩岩睇左，間M記既鐵捲門比人拉落哂，我地應該入唔到去。」駿少說，
「咁唯有放棄嗰到先......因為可能一早比人霸左。」我
「咪好囉，仲食M記，紅㡳㗎，金拱門！」阿宙
這時天空正掛著炎紅的太陽，不到數分鐘就把我們曬得汗流浹背，
「救命啊！救命啊！有冇人可以幫下我啊！」有把女仔聲呼叫
「喂......駿少，我去睇下個女仔咩事」阿賢
「吓......會唔會有詐？」我問
「人命關天啊，仲要係女添！」阿賢
「你放心去啦」阿宙
阿賢行近一睇，個女仔秀麗嬌美。
「咩事？」阿賢問
「我個Friend佢暈左係廁所......我唔知點算好......」
「帶我去睇下。」阿賢
之後阿賢就跟她咗入鳳德公園嘅女公廁
突然天色突變，原本炎熱的天氣變至天雲陰陰，下起了雨來。
當佢入到女廁之後......意想不到嘅事情發生啦......
———————————————————————————
女公廁中傳出一陣陣腐臭味......地上倒著五、六件死屍......但死者都是人類。
「噠─！」
那女生突然把門關上。
「咩事！？」阿賢。
那少女笑說：「傻仔......」
突然女廁格外走出五個個樣好似死老豆咁嘅人，大約十幾歲左右....
「喂......呢個咪協記嘅人，可惜唔見個矮仔O仔啦」其中一個身材瘦削嘅人，係The One嘅人。
另一個食住支煙：「哈......打跛手腳先」
「仆街......我中咗計……！？」阿賢心諗
餘下三人對佢上下打量.......
「冇武器在手點都會輸蝕啲架啦.....」其中一個人
嗰三個人衝過來，兩個分別撳住佢雙手雙腳，另一名不斷痛打阿賢
「你老板吖！」佢一路比人打，一路講
佢受了十幾拳之後終於頭暈眼花......
而另一個人終於唔再撳咗佢雙手......
「你.....有排你玩！」
「佢眼神簡直當我仇人......我明明同佢冇過節......佢點會用呢個眼神望住我......係The One...」阿賢心諗
嗰個食煙嘅拿起掃把棍.....撳實阿賢雙手......
「嘭─！」
「邊Q個啊？」其他人大叫
「聲音係.....踢開道門嘅聲......」阿賢心諗
食煙條友揸住掃把棍行過去門口，驚訝地望住門口：「你......」話口未完，我衝咗入去，手執行山杖插穿嗰個人嘅腹部。
跟住撳住阿賢條友將佢放開，企起身想同我打過
駿少毫不猶豫衝去佢前面，狠狠地用斧頭劈向佢頭顱中間。
「搞乜鬼啊！？」入咗廁格小便嘅人
駿少將廁格門打開行入去，然後閂咗道門
「喂！你咩料啊！......啊......呀！」最後一條友卑微地慘叫，緊接就是個少女嘅慘叫：「呀......！」
廁所被染得血流成河，我同阿宙阿賢呆左咁望住佢