（喪屍故）末世: （22）一天
「輸一次，唔係啲咩大件事！男人跌低之後要要企得返起身！」Edward大叔伸出手，打算扶起我
「知道啦！」我自己企起身，然後伸出手同大叔握一下手
大叔對我笑咗一笑
喺呢個時候，阿宙同家盈等人行過嚟
「結果都係由我哋作主！」家盈
「阿宙，要行喇，我哋嘅蒲台島之旅要起程啦！」阿永
「我想你留多一日....陪我」家盈緊緊撓住阿宙嘅手臂
阿宙望住我同阿永
「一日，就一日！」阿永
「好似有人未找數喎！」我微笑望住李子寧
「一日，啱啱好一日，今日日落至聽日嘅日落。」子寧
「日落之時，天台見！」我
「一言為定！」子寧
—————————————————
有一把柔和嘅聲音問阿永
「你有冇宗教信仰架？」
「我所讀中小學都係天主教小學，只不過我並唔相信有上帝嘅存在。」
阿永開心見誠答
「吖！係呀！唔記得自我介紹添！我叫Suki啊！」Suki
「我知，我哋同一級㗎，我係阿永啊，可能我頭髮太耐冇剪過，又冇剃鬚，所以你唔認得我啦」阿永
「咦，係咩驅使你唔相信上帝呢？
現世咪有印上耶穌基督臉孔嘅手巾囉？世界各地都有教堂，上帝亦備受各國領袖尊崇呢！」
Suki揚起一彎微笑點頭問
「如果冇聖經，我可能信有上帝嘅。」
「首先，聖經作為真理，有大量十八禁情節。再者，摩西過紅海、五餅二魚、清水變美酒實在太假喇，說服唔到我。」阿永認真咁答
「原來係咁，你都有你嘅道理嘅。」Suki
「我哋聽日一齊去敬拜上帝啦！」家盈走過來同Suki異口同聲咁講
「不如我哋又去吖！」子寧
「你鍾意啦！」我
—————————————————
到咗日落黃昏嘅時間
「等咗好耐呀？」子寧
「一陣啫！」我
又係例牌嘅對答
「我哋去邊好呀？」子寧問
「睇埋日落先。」我
「唔~」子寧
「夕陽無限好～wor ～
天色已黃昏～wor
本想去憑愛 去換最燦爛一生
想不到長吻 帶來更永恆傷感 ～
夕陽無限好 ～wor ～卻是近黃昏～
高峰的快感 ～剎那失陷 ～
風花雪月不肯等人 要獻便獻吻～」我唱咗陳奕迅嘅《夕陽無限好》，唱完之後就啱啱日落
「咦！你睇吓！」子寧
我哋見到阿宙抱住家盈走咗入家盈間房
子寧似乎好有興趣想繼續睇落去
「喂走啦，你唔係諗住繼續睇落去呀嘛！知唔知阻人....」我表現到有啲唔耐煩
「得啦！走囉！」子寧黑面睥住我
之後我哋食完飯，分開訓左一晚，我哋約好好聽朝門口等
—————————————————
「等左好耐？」子寧
「係啊！八婆！遲到識唔識講對唔住？」阿宙左手搭着家盈膊頭，右手指住佢講
「耶穌冇教你遲到要講對唔住嫁？」阿龍
「我係問你地咩？」子寧黑面走去我隔離
「嗱，算啦，話晒佢今日都係我女朋友，要鬧都今晚先！」我
「點解龍哥你又喺度？」子寧
「我跟阿永嚟，唔得呀？」阿龍
「大家都咁齊人，我哋去敬拜啦！」Suki
我哋去到學校一個課室，專門比教徒入去敬拜同祈禱
「依家合埋雙眼，放鬆自己，全心敬拜上帝。」Suki
過咗唔知幾耐，我慢慢打開眼睛，覺得身心舒緩，壓力大減。
「嗱，我冇呃你啦？」Suki都打開眼睛
「係就係幾有用，但只係因為大腦放鬆，釋放出多巴胺，令人身心舒暢，係科學，唔關耶穌事。」我
「隨便你啦！」Suki覺得冇癮，就走去阿永隔離，打算搵佢傾偈
二人企起身來，坐喺長凳上
「壓力問題解決左，唔知耶穌可唔可以解決啲實際啲嘅問題？」阿永
「連你都要質疑我嘅上帝！」Suki
阿永唔知Suki點解發咁大脾氣
「喂！佢搞咩啊？」阿永
「咁證明左佢重視你，如果唔係佢點會發咁大脾氣。」我
「哈哈！阿永有機喇！」阿宙
「好，祈完禱，走得！」我捉住子寧嘅手，行落去操場
走廊有一陣風吹過，子寧秀髮被輕拂，頭髮飄逸喺面上面，有一種悠雅的感覺。
「你…做咩……捉住我隻手唔放」子寧面紅起嚟
「妳好可愛…」
走廊得我哋兩個，所以我情不自禁輕撫子寧嘅頭
「死開啦咸濕佬……！」佢呆一呆，然後推開我
「食飯，我請。」我
「你抽……抽完我水緊係要……請我啦！Er...我……要……食……Tiramisu ！」子寧講完之後，我哋兩個都停咗
「好，我試吓整！」我
我搵左一罐咖啡、一杯雪糕、兩塊白麵包同朱古力碎
「我用左好多野先換到返嚟，甜品係珍品之中嘅珍品嚟。」我
我先用咖啡將兩塊白麵包浸軟，然後鋪想一層雪糕，再鋪上朱古力粉
「哇！味道同tiramisu一樣架，你真係勁啊」子寧
然後我哋坐喺操場傾計，直至黃昏
「你可唔可以做我男朋友？」子寧
「有人比我更鍾意你！我哋做返普通朋友啦」我
「好風景多的是～夕陽平常事～
然而每天眼見的 永遠不相似～。」我唱完未唱完嘅歌
夜幕降臨，我哋幾兄弟再次齊人聚首一堂，我用搵返嚟嘅食材整咗個一品鍋
我分享左今日嘅事比佢哋聽
「洗咩換吖，攞把槍對住佢叫佢攞過嚟咪得囉！」阿龍突破盲腸
「話說Tiramisu 唔喺讀Tiramisu 咩？」阿永問
「英文係。」朗昇
「頂，義大利語都係咁讀，本身個字就係義文！」阿永
「唔係，R音唔同，意音唔卷脷㗎！跟我卷一次，rrrrrr」朗逸
「咁到底係意大利定義大利？」阿龍問
「唔知喎。」朗昇
「咪One dog face!」我一邊食嘢一邊答
「即係點呀？」朗昇問
「一狗樣！」阿永
「其實譯音嘢冇所謂啦！」郎逸
「咁Italy囉！」阿龍答
「it他li 定italee 先？」我
「喂！幾時去蒲台島呀？拖左好耐啦喂！」阿Jack問
「聽日就起程！」阿宙
「好嘢！」阿龍大叫