（喪屍故）末世: （21）戰白鬚公

「雖然已經知道結果，但係跟據規定，要打三場。因此…第三場，O仔選手大戰炳強！」主持人

「咪住，可唔可以換人？」Edward 大叔

「O仔選手，有冇異議？」主持人問

「換人？好，換！」我

「你哋出賽嘅人係？」主持人





「我！」Edward大叔

話畢，除咗軍豪等同大叔親近嘅人之外，大家都嘩然

「O仔，小心啲呀！『老豆』佢擅長跆拳道、中國武術同泰拳，係個不折不扣嘅強者。」軍豪溫馨提示

「你不如投降啦！」家盈

「你都係放棄啦！」沛真，連你都咁講...





「唔得！」我舉高右手握緊拳頭

「放心啦，O仔畢竟係跆拳黑帶，又分別練過唔少武術，要對付呢個阿叔...問題不大。」帶傷嘅阿宙

大叔除去上身嘅Shirt衫，露出六嚿腹肌同結實嘅肌肉

「終極一戰，睇嚟大家都將會畢生所學展現出嚟！」主持人

我先擺出一個近似弓步馬的馬步，比弓步馬靈活又紮實，打算等待大叔攻擊





大叔進攻，出拳連珠炮發，於是我就用中國功夫的千字手格擋

我一邊觀察，有一絲空檔，力聚右掌，左腳掌一轉，右腳蹬直，左手拉後放喺腰，右手放鬆衝前。

腰馬合一，力從地起，加上腳、腰、胸、膊、膀、前臂到最後到右手，就快擊中目標時，緊握拳頭，寸勁！無堅不摧！

Edward 大叔比我重重打中向後一退，心口有一個紅色拳印。大叔硬食之後立即深呼吸然後向我問道

「寸勁？唔錯唔錯。」大叔

「你識詠春？」我

「我師公係葉問，你話呢？」大叔

睇唔出，大叔硬食我全力一擊嘅寸勁都仲可以同我傾計





我將馬步改變，以蝴蝶步包住大叔，左右直拳打出。畀大叔一手擒拿，向左邊踏步再衝前，另一手捉住我大脾大力拉後抽起。結結實實撻我落地。

好彩我識卸力，馬上企返起身，一下右勾拳打中大叔面門，左右開弓

大叔一下虎尾腳撐向我，以腳力撐開我，我竟然被打到離地飛起一尺

我一下蜈蚣彈企返起身，左腳踏前一步，前腳側踢，後腳一下後踢（Back Kick)

呢兩腳中得應一應，大叔倒地，背脊向天

『攻定唔攻，大叔都一把年紀』我心中默想

見機不可失，我打算以一個裸絞令大叔投降。但正當我進擊嘅時候，大叔一下朝天腳，將我踢開。





「你太善良啦，唔好考慮咁多，打完先算，知道嗎？」大叔

大叔又衝前一拳，我輕鬆以左手手臀曲起擋下

跟住落嚟，我以擋格的左手一㬹批落大叔鎖骨，又以右手手刀劈向大叔頸部

大叔後退扎起馬步，慢慢右手一動，好似耍太極咁，手掌畫圓，動作流暢，功架十足，勁聚丹田，一出必殺！

「佢到底做緊啲咩？」阿宙

「好難捉摸啊！」我向台下阿宙大叫

一拳，一下直拳，一下狠狠的直拳

打中我雞心位





我竟然起唔到身！

我，輸咗⋯⋯