終於去到醫院,其實只係五分鐘多啲嘅時間,我全身都唔知幾多度骨折,但都成功交咗阿連俾啲姑娘。

「急性酒精中毒。準備洗胃。」

靚仔醫生好似吳啓華,連啲一舉一重都好似程至美,以為自己睇緊妙手仁心。

我見阿連入咗手術室,本來想等到佢出嚟,不過體內骨骼不停抗議,我唯有慢慢行去骨科。

「哇你搞咩?」





林林拎住個尿壼喺我面前行過,見我成身汗表情痛苦咁就問我咩事。

我都未嚟得切答佢,意識已經被黑暗籠罩。