是咁的，照顧過我嘅護士死咗: 三十二、唔例外

「依家係你陪我喎。」

十八子坐喺我旁邊，伏喺我左手隔離嘅床邊。

「我知呀⋯⋯唔好叫我走⋯⋯」

頸上有個龜頭套，轉頭都好唔方便。

我慢慢將視線放喺十八子身上。





「又話放飯，食咗野未架？」

佢伏喺自己手臂上面，搖搖頭：「食唔落。無胃口。」

「唔搵男朋友？」

「分咗手嘛。」

「唔搵下個男朋友？」





「⋯⋯⋯⋯佢唔喺醫院丫嘛。」

好明顯唔係因為分手唔開心。

「返工野？」

「唔好問啦。」

「你已經喺小兒科度做喇喎。」





「醫院係個隨時有人死嘅地方，小兒科都唔例外。」